நல்லாதான் சிரியுங்களேன் !!!

by முழுமுதலோன் Sat Aug 31, 2013 2:44 pm

நபர் - 1: ஏதோ உங்களை மாதிரி சிலர் இருக்கிறதனாலதான் கொஞ்சம் மழை பெய்யுது!
நபர் - 2: அப்படியா… இல்லைன்னா?
நபர் - 1: நிறையவே பெய்யும்!

**********

தோழி - 1: நான் சாப்பாடு பரிமாறும்போது என் புருஷன் சிரிச்சுக்கிட்டே சாப்பிடுவாரு.
தோழி - 2: உன் புருஷன்கிட்டே எனக்குப் புடிச்ச விஷயமே அதான். எவ்ளோ கஷ்டம் வந்தாலும் சிரிச்ச முகமா இருப்பாரு.

**********

நோயாளி: சிஸ்டர்! நான் ஆப்ரேஷன் முடிஞ்சு, நல்லபடியா வீடு போய் சேருவேன்ல?
நர்ஸ்: கவலைப்படாதீங்க! கண்டிப்பா, நல்ல ‘பாடி‘யா வீடு போய் சேருவீங்க!

**********

மனைவி: என்னங்க இது, பெட்ல மாத்திரைங்களை அள்ளிப் போடுறீங்க?
கணவன்: படுக்கும்போது இந்த மாத்திரைங்களைப் போட்டுக்கிட்டுப் படுக்கணும்னு டாக்டர்தாண்டி சொன்னார்!

**********

கணவன்: அந்த டாக்டர் உன்னைப் பத்தி நல்லாவே புரிஞ்சு வச்சிருக்காரே!
மனைவி: எப்படி சொல்றீங்க?
கணவன்: பாரு... மாத்திரையெல்லாம் ‘சீரியலுக்கு முன்’ 'சீரியலுக்குப் பின்'னு
எழுதிக் கொடுத்திருக்காரே!

by முழுமுதலோன் Sat Aug 31, 2013 2:45 pm

நண்பன் - 1: டேய்! ஏன் அந்தச் சர்க்கரை டப்பாவுக்கு ஊசி போடுறே?!
நண்பன் - 2: டாக்டர்தான் சர்க்கரைக்கு தினமும் ஊசி போடணும்னு சொன்னாரு!

**********

நபர் - 1: புத்தகம் படிச்சதுக்காக டாக்டரை கைது பண்ணிட்டாங்களா?! அப்படி என்ன புத்தகம் படிச்சார்?
நபர் - 2: முப்பது நாளில் டாக்டர் ஆவது எப்படி.

**********

பெண் - 1: கல்யாணத்துக்கு அப்புறம் நான் அவருக்கு அடங்கி நடக்கணுமாம்; அவரு சொல்படி எல்லாம் நடக்கணுமாம். என் காதலர் சொல்றார்!
பெண் - 2: அப்படிப்பட்டவனை எதுக்குக் கல்யாணம் பண்ணிக்கப் போற?
பெண் - 1: அந்த ஆள் அப்படி நினைக்கிறது எவ்வளவு தப்புன்னு அவருக்குப் புரிய வைக்க வேணாமா?

**********

நர்ஸ்: எதுக்கு டாக்டர் என்னை உங்ககூட வர வேணாம்னு சொல்றீங்க?
டாக்டர்: நீ வந்தா பேஷண்டுங்களோட பி.பி எகிறிடுது. என்னால சரியான பி.பி-யைக் கண்டுபிடிக்கவே முடியலை!

**********

நபர் - 1: நீங்க கடன் வாங்கி வீடு கட்டினீங்க சரி… வீட்டு வாசல்படியை ஏன் பின்பக்கம் வெச்சிருக்கீங்க?
நபர் - 2: நாளைக்கு ஒரு கடங்காரனும் வீட்டு முன்னாடி வந்து நிக்கக்கூடாது பாருங்க!

by முழுமுதலோன் Sat Aug 31, 2013 2:46 pm

டாக்டர்: இந்த மருந்தை வெறும் வயித்துலதான் சாப்பிடணும்!
நோயாளி: பனியன்கூட போட்டிருக்கக்கூடாதா டாக்டர்?

**********

நபர் - 1: என்னங்க கல்யாணத்துக்கு வந்துட்டு, மொய் எழுதாமப் போறீங்க?
நபர் - 2: எனக்கு எழுதப் படிக்கத் தெரியாதுங்க!

**********

நண்பன் - 1: ரொம்ப நேரமா உலக வரைபடத்துல என்ன தேடுற?
நண்பன் - 2: எல்லா நாடும் இருக்கு. 'கொடநாடு' மட்டும் கிடைக்கவே மாட்டேங்குது!

**********

நபர் - 1: என்னங்க! வீட்டோட வேலைக்காரி கிடைப்பாளா?
நபர் - 2: உங்களுக்குத்தான் வீடே கிடையாதே?
நபர் - 1: அதனாலதான் வீட்டோட கேட்கிறேன்!

**********

தொண்டன் - 1: தலைவர் ஏன் திடீர்னு தற்கொலைக்கு முயற்சி பண்ணினார்?
தொண்டன் - 2: செத்தா சிவலோகப் பதவி கிடைக்கும்னு சொன்னாங்களாம்!

http://www.nilacharal.com

by சரண் Sat Aug 31, 2013 3:34 pm

அருமை!

by Sponsored content

நல்லாதான் சிரியுங்களேன் !!!

நல்லாதான் சிரியுங்களேன் !!!

Re: நல்லாதான் சிரியுங்களேன் !!!

Re: நல்லாதான் சிரியுங்களேன் !!!

Re: நல்லாதான் சிரியுங்களேன் !!!

Re: நல்லாதான் சிரியுங்களேன் !!!