சாந்தனு நடிக்கும் 'கண்டேன்’படப்பிடிப்பிற்குத் தடை

சாந்தனு நடிக்கும் 'கண்டேன்’படப்பிடிப்பிற்குத் தடை
சாந்தனு,ரஷ்மி நடிக்கும் படம் ‘கண்டேன்’. இப்படத்தின் படப்பிடிப்பை தஞ்சை பெரிய கோயிலில் நடத்துவதற்காக அனுமதி கேட்டிருந்தனர். உடனடியாக அனுமதி கிடைக்கவில்லை. இதற்காக படக்குழு காத்திருந்தது. பல்வேறு முயற்சிகளுக்கு பின் அனுமதி கிடைத்ததாம். இதையடுத்து 100 பேர் கொண்ட குழு சென்னையிலிருந்து புறப்பட்டு, தஞ்சை கோயிலை வந்தடைந்தது. ஷூட்டிங் நடக்கப்போவதை அறிந்த சிலர் திடீரென கோயிலுக்கு வந்தனர். ‘இங்கு படப்பிடிப்பு நடத்த அனுமதி கிடையாது. வந்த வழியை பார்த்து செல்லுங்கள்’ என்றார்களாம். ‘முறைப்படி அனுமதி வாங்கி வந்துள்ளோம்’ என படக்குழுவினர் கூறியும் அவர்கள் கேட¢கவில்லையாம். சம்பந்தப்பட்ட அதிகாரிகளிடமும் உடனடியாக பேச முடியாததால் படக் குழுவில் பாதி பேர் ஊர் திரும்பிவிட்டனர். பின் தகவல் அறிந்த அதிகாரிகள், ஷூட்டிங்கை தடுத்தவர்களிடம் பேசியுள்ளனர். இதன் பின்பே ஷூட்டிங் நடைபெற்றுள்ளது.

இது பற்றி இயக்குனர் முகில் கூறும்போது, ‘படத்தின் முக்கியமான காட்சியை தஞ்சை கோயிலில் படமாக்குகிறோம். அதனால்தான் இதற்காக சிறப்பு அனுமதி பெற்றோம். இடையில் பிரச்னை ஏற்பட்டது உண்மைதான். அது பேசி தீர்க்கப்பட்டது. ஊருக்கு புறப்பட்டு சென்றவர்களை மீண்டும் வரவழைத்து, ஷூட்டிங் நடத்தினோம். 30 டான்ஸர்களுடன் சாந்தனு, ரஷ்மி நடித்த பாடல் காட்சியையும் அங்கு படமாக்கினோம்’ என்றார்.