படிக்க படிக்க மனது தெளிவாகும்

படிக்க படிக்க மனது தெளிவாகும்


அனுபவம்


வாலால் தே ளும் வாயால் பாம்பும் விடமென அறிந்து
அடி முதல் முடிவரை ஆய்ந்து பாராது படுது பாடே

மனிதனை கயவானாக்குவது வளமையும் அதிகாரமும்தான்
மனிதனை புனிதனாக்குவது அறிவும் அனுபவமும்தான்

ஆசிரியரோ போதித்த பிறகே தண்டிக்கிறார்
அணுபவமோ தண்டித்த பிறகே போதிக்கிறது

காற்றுக்கு ஏற்ப மாறாதவன் கடலில் மூழ்குவான்
காலத்துக்கு தக்க மாறாதவன் கவலையில் மூழ்குவான்

தெளிந்தது கொண்டு தெளிய அறிவது நம்பி உறுதி கொண்டு
சிறிது சிறிதாக அறிவினை வளர்த்து அனுபவம் பெறுவார் அறிஞர்

சுட்ட தங்கமும் துயர் பட்ட மனமும் புகழ் பெறுமே
துட்ட மனமும் தரம் கெட்ட மனிதரும் இதழ்பெறுவாரே

உலகை புத்தகத்தில் படிப்பது நிழலை காதலிப்பதாகும்
உலகையே புத்தமாக படிப்பது நிலவையே காதலிப்பதாகும்

கல்லிலும் நார் உரிப்பவர் கயவர்
கவலையிலும் பாடம் கற்பவர் அறிஞர்

பிறர் அனுபவத்தை பாடமாக கேட்பவன் காது உள்ளவன்
பிறர் பாடத்தை அனுபவமாக பார்ப்பவன் கண் உள்ளவன்

நம் பாதையை மறிப்பவர் எல்லாம் திருடருமல்ல
ஆபத்தை தவிர்ப்பவராகலாம்
நம் கருத்தை மறுப்பவர் எல்லாம் பகைவருமல்ல
நம் அழிவை தடுப்பவராகலாம்


xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

திட்டமிடுதல்

தன்னையும் தன் குறிக் கோளையும் கண்டுணர்ந்தவர் அறிஞர்
பிறரையும் அவர் செயல்திறனையும் கண்டறிந்தவர் பேரறிஞர்

வீணாக ஓடும் ஆற்றையும் நீரையும் பாதை மாற்றினர் வயல் செழிக்கும்
வீணாகப் போகும் ஆற்றலையும் நேரத்தையும்
பயன் படுத்தினால் வாழ்வு செழிக்கும்

சிந்தித்தபின் செயல் படுப‌வர் பறவையென பறந்து திரிவார்
செய்தபின் சிந்திப்பவர் படுகுழியில் வீழ்ந்து கிடப்பார்

சொல்லும் சொல்லை தெளிந்த பின் சொல்ல வேண்டும்
செய்யும் செயலை புரிந்த பின் செய்ய வேண்டும்

சாத்தியா சாத்தியம் அறிகுறி பல ஆராய்ந்து அறிந்து
அறிவால் ஆற்றும் திறமையுள்ள ஊக்க‌மே யோகம்

தேவை என்ன என்று தெரியாமல் எத்தனை நூல் கற்றும் பயனேது
தேடுவது என்ன என்று புரியாமல் எத்தனை ஊர் சுற்றியும் பயனேது

தோல்விக்கான காரணங்களை காண்பதை
விட மருந்தை கண்டுபிடியுங்கள்

ஒவ்வொருவரும் யாரோ போல ஆக விரும்புகிறார் தானாக ஆக விரும்புவதில்லை
ஒவ்வொருவரும் யாரோ போல மாறச் சொல்கிறார் தன்னைப்போல எனவாழ்வதில்லை

பிரச்னையை தவிர்ப்பது என்பது தற்காலிகத் தீர்வு
பிரச்னையைசந்திப்பதுஎன்பதுவே நிரந்தரத்தீர்வு

தீர்மானமில்லாதவன் கஷ்டப்படுவான்
திட்டமில்லாதவன் நஷ்டப்படுவான்

Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx


தெளிவு

மற்றவர் பேசும் போது காதை திறப்பவர் புரிந்து கொள்வார்
மற்றவர் பேசும் போது வாயை திறப்பவர் குழம்பி கொள்வார்

மற்றவர் குறைகளை கண்டுபிடிப்பிவன் குற்றவாளி
தனது குறைகளை கண்டறிந்தவன் அறிவாளி

நல்ல உடலைக் காண நல்ல விழி போதும்
நல்ல உள்ளத்தைக் காண நல்ல உள்ளம் வேண்டும்

நாணம் என்பது தன் குறை கண்டு --நளிவது
ஞானம் என்பது தன் குற்றம் கண்டு தெளிவது

கல்லை கல் என்பவன் கல்லாதவன் அதை விலை என்பவன் வியாபாரி
கல்லை சிலை என்பவன் கலைஞன் அதை இறை என்பவன் பக்தன்

முறுக்க முறுக்க கயிறு உறுதியாகும்
படிக்க படிக்க மனது தெளிவாகும்

நீ வந்த வழியை தெளிவாக நினைவில் வைத்திரு அது
நீ போகும் வழியாக தெளிவாக காட்டித் தந்தடும்

வெள்ளம் திரண்டு வர வயல் பள்ளம் தூர்ந்து போகும்
உள்ளம் தெளிந்து வர கயமை கள்ளம் தீர்ந்து போகும்

அறிந்தது நான்கு அதில் தெரிந்தது மூன்று
புரிந்தது இரண்டு அதில் தெளிந்தது ஒன்றுமில்லை

கற்றது அதிகம் உற்றது நிறைய‌
வாழ்வில் செய்தது ஒன்றுமில்லை

Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx


அறிவு

புத்தியே ச‌கல சக்தியும்
நினைத்தவை அனைத்தும் நிறைவேற்றிடும்

அறிவு என்பது சொல்லும் சொல் தெளிவாகச் சொல்லுதல்
செறிவு என்பது சொன்ன சொல் மாறாது இருத்தல்

ஆயுளின் அருமை நீளத்தில் இல்லை அகலத்தால் அளக்கப்படுகிறது
அறிவின் பெருமை சத்தத்தில் இல்லை சுத்தத்தால் அறியப்படுகிறது

கத்தியது கூரானால் தான் பொருள்கள் சரியாக வெட்டப்படும்
புத்தியது கூரானால் தான் செயல்கள் தெளிவாக செய்யப்படும்

குடமளவு நீரென அறிவிருந்தாலும் பயன்பட்டால் பெருமை
கடலளவு நீரென பரந்திருந்தாலும் பயன்படாததால் சிறுமை

அலங்காரம் இல்லாத அழகே இனிமையானது
அகங்காரம் இல்லாத அறிவே முழுமையானது

ஒரு நூறு மரத்தின் விலையை விட ஒரு பொன் முடிக்கே மதிப்பு
ஒரு நூறுமூடரின் கருத்தைவிட ஒரு அறிஞர் முடிவே தெளிவு

புத்தகம் மேய்ந்தவர் பதவியில் அமர்த்தப்படுவார்
நுனிப்புல்லை மேய்ந்தவர் பட்டியல் அடைக்கப்படுவார்

விடிய விடிய கண்ணுக்கு பொருட்கள் புலப்படும்
படிக்க படிக்க நமக்கு அறியாமை புலப்படும்

கருத்தில்லாத பேச்சை கேட்பது
கண்ணில்லாத முகத்தை பார்ப்பது போல‌வேதனை
கற்பில்லாத பெண்ணை பார்ப்பது
தலையில்லாத உடலைப் பார்ப்பது போல வேதனை


----------------------------------------------------------------------------------------------------------------
Posted by DrBALA SUBRA MANIAN

தெளிவின் உச்சம்...

பகிர்வுக்குப் பாராட்டுகள்