முதல் முதலாக..முதல் முதலாக..

by முழுமுதலோன் Wed Nov 13, 2013 12:20 pm

முதல் முதலாக..முதல் முதலாக..

1.அம்மாவின் கருவறையே, நான்
கண்ட
முதல் கோவில்

2.பிறந்ததும், அப்பா என்னை கையில்
ஏந்திய போது, வாங்கியதே என்
முதல் முத்தம்

3.சொப்பு சாமான் வைத்து மண்ணில்
சோறாக்கி ,இலை தழையில்
செங்காமட்டை கலந்து குழம்பு வைத்ததே என்
முதல் சமையல்.

4.அரச மர இலையில்
பீப்பி செய்து ஊதியதே , என் முதல்
வாத்தியம்

5.ஒருவர் பின் ஒருவர்
பாவடையை பிடித்து சிக்கு புக்கு ஊர்வலம்
வந்ததே என் முதல் இரயில் பயணம்.

6.ஆசை மிட்டாய்
தாளை மடக்கி மடக்கி வடிவமைத்த
பொம்மையே , நான் செய்த முதல்
கைவினைப் பொருள்.

7.இரண்டு குருத்தோலைகளை பின்னி ஒன்றாக்கியதே,
நான் செய்த முதல் சிகை அலங்காரம்.

8.புத்தகத்தில் மறைத்து வைத்து ,
பென்சில் சீவியதும் வரும்
தூள்களை தீனியாக போட்டு வளர்த்த
மயில் இறகே என் முதல்
செல்லபிராணி.

9.ரேங்க் கார்ட் எங்கே ?
என்று அப்பா கேட்ட போது,
பையிலேயே வைத்துக்
கொண்டு இன்னும்
தரவில்லை என்று சொன்னதே என்
முதல் பொய்.

10.நீளமான குழாயின் ஒரு முனையில்
நானும் மறுமுனையில் என்
தோழியும் நின்று பேசிக்
கொண்டதே என் முதல்
தொலைபேசி உரையாடல்.

11.திருவிழா இராட்டணத்தில்
ஏறி மூன்று சுற்று சுற்றி வந்து இறங்கியதே என்
முதல் விமானப் பயணம்.

முதல் முதலாக..முதல் முதலாக.. 1464002_600081583384617_238909355_n

https://www.facebook.com/Kadhambam?fref=ts

by ஸ்ரீராம் Thu Nov 14, 2013 9:00 am

எனக்கு சிறு வயதில் நானும் இவ்வாறு செய்திருக்கிறேன்...
பழைய ஞாபகங்கள் வருது... மிக்க நன்றி

முதல் முதலாக..முதல் முதலாக..

முதல் முதலாக..முதல் முதலாக..

Re: முதல் முதலாக..முதல் முதலாக..