நவம்பரில் தகவல் தொழில்நுட்ப செயற்கைகோள் : இஸ்ரோ தகவல்

சென்னை:
தகவல் தொழில் நுட்ப செயற்கைகோள் நவம்பர் மாதம்
விண்ணில் செலுத்தப்படும் என இஸ்ரோ தலைவர்
கிரண்குமார் தெரிவித்துள்ளார்.
-
சென்னை வந்த இஸ்ரோ தலைவர் கிரண்குமார்,
செய்தியாளர்களிடம் பேசுகையில், கடந்த 26-ந்தேதி
விண்ணில் ஏவப்பட்ட 'ஸ்கேட்சாட்-1' செயற்கைகோள்
வெற்றிகரமாக செயல்படுகிறது.

இதில் ஒரு உபகரணம் மட்டும் 7 தினங்களுக்கு பிறகு
செயல்படும். மற்ற உபகரணங்கள் சிறப்பாக செயல்
படுகிறது.

மங்கள்யான் வெற்றிகரமாக 2 ஆண்டுகளாக செயல்படுகிறது.
மங்கள்யான் அனுப்பிய தகவல்கள் இஸ்ரோ வலைதளத்தில்
பதிவிடப்பட்டுள்ளது.

வருகிற 4-ந்தேதி பிரான்ஸ் நாட்டில் உள்ள பிரெஞ்சு கயானாவில்
உள்ள ஏவுதளத்தில் இருந்து 'ஜிசாட்-18' செயற்கைகோள்
விண்ணுக்கு அனுப்பப்பட உள்ளது. நவம்பர் மாதம் தகவல்
தொழில் நுட்ப ஆராய்ச்சிக்கான செயற்கைகோள் விண்ணில்
செலுத்தப்படும். அடுத்த தலைமுறைக்கான 'மார்க் 3' ராக்கெட்
டிசம்பர் மாதம் விண்ணுக்கு அனுப்பப்படும் என்றார்.
-
----------------------------------------

நல்லது. நன்றி அண்ணா