இந்தியா வருகிறார் இங்கிலாந்து பிரதமர் தெரசா மே

-
லண்டன்:
இங்கிலாந்து பிரதமர் தெரசா மே, அடுத்த மாதம் இந்தியா
வர உள்ளார்.
பிரக்ஸிட் ஓட்டெடுப்பை தொடர்ந்து பிரதமராக இருந்த
டேவிட் கேமரூன் பதவி விலகினார். பின்னர் தெரசா மே
பிரதமராக கடந்த ஜூலை மாதம் பதவியேற்றார்.

இந்நிலையில், அவர் நவம்பர் 6 - 8 ம் தேதிகளில் தெரசா மே
இந்தியா வர உள்ளார். தெரசா மே, ஐரோப்பிய கண்டத்தை
தாண்டி வெளிநாட்டு பயணம் மேற்கொள்வது இதுவே முதல்
முறையாகும்.

அவருடன் சிறிய மற்றும் நடுத்தர தொழில் வர்த்தக குழுவினர்
இந்தியா வருகின்றனர். டில்லி வரும் தெரசா மே, பிரதமர்
மோடியை சந்தித்து பேசுவார்.

தொடர்ந்து, டில்லியில் இந்தியா - இங்கிலாந்து தொழில்நுட்ப
மாநாட்டை இரு தலைவர்களும் துவக்கி வைக்க உள்ளனர்.
-
---------------------------------
தினமலர்