இன்று அறிவியல் தினம்

by மகா பிரபு Thu Feb 28, 2013 12:42 pm

பிப்ரவரி 28ஐ, அறிவியல் தினமாக இந்தியாவில் கொண்டாடுகிறோம். உலகின் பல நாடுகளில் பிப்ரவரி மாதம், கண்டுபிடிப்பாளர்களின் மாதமாகக் கொண்டாடப்படுகிறது.உயர் கல்வி கற்ற விஞ்ஞானி, ஒரு கண்டுபிடிப்பாளராகவும் இருப்பார். ஆனால் கண்டுபிடிப்பாளர்கள் அனைவருமே, முறையாக உயர் கல்வி கற்ற விஞ்ஞானியாக இருக்க வேண்டும் என்னும் அவசியம் இல்லை என்பதே, கண்டுபிடிப்பாளர்கள் மாதக் கொண்டாட்டத்தின் நோக்கம்.

தேவைகள் தான், புதிய கண்டுபிடிப்பு களை உருவாக்குகின்றன. உலகில் ஜெர்மனி, தாய்லாந்து, அர்ஜென்டினா, மால்டோவா, ஆஸ்திரியா ஆகிய நாடுகளில் கண்டுபிடிப்பாளர் தினமும் கொண்டாடப் படுகிறது. இந்த தினம் நாட்டுக்கு, நாடு மாறுபடுகிறது. தாய்லாந்து மன்னர், புதிய கண்டு பிடிப்புகளில் ஆர்வம் உள்ளவர். அவரது முதல் கண்டுபிடிப்பான "பேடன்ட்' உரிமை பெற்ற பிப்ரவரி 2 தான் தாய்லாந்தின் கண்டுபிடிப்பு தினம்.

தினமலர்