லிமரைக்கூ-I

by கே.எஸ்.கலை Mon Jun 17, 2013 9:34 am

சாமியிடம் மழைகேட்டது உள்ளம்

கருணை கொண்டு கடவுள்தந்த மழையால்

அள்ளிப்போனது வீட்டை வெள்ளம் !

═✿═

தூக்கியாச்சு அப்பனுடைய பாடை

திரும்பி வரும் வழியிலேயே - பிள்ளைகள்

கூட்டியாச்சு சொத்துப்பிரிக்க மேடை !

═✿═

ரெட்டைக் கால் வரங்கள்,

தினந்தோறும் தெருவோரம் சண்டை -

சிரிக்கிறது ஒற்றைக்கால் மரங்கள் !

═✿═

தமிழ் தாய்க்கு நூறுகோடி

உண்ணக்கூட வக்கிலாமல் - தமிழன்

முடங்கிக் கிடப்பது தெருக்கோடி !

═✿═

உள்ளவன் ஓடுகிறான் கூடி

உணவில்லாதவன் தெருத் தெருவாய்

திணறுகிறான் அதைத் தேடி !

═✿═

காலை மாலையெல்லாம் தியானம்

கைவிரித்துவிட்டுக் கடவுள் காட்டுவதோ

கல்லறைக் காட்டு மயானம் !

═✿═

லிமரைக்கூ என்பது மூன்று வரிகள் கொண்ட கவிதையில் முதல்வரியிலும், மூன்றாவது வரியிலும் இயைபுத் தொடையுடன் அமையும் குறும்பா ஆகும்.

லிமரைக்கூ வேறு லிமரிக் வேறு என்பதை கவனத்தில் கொள்ளவும் !

by முரளிராஜா Mon Jun 17, 2013 9:40 am

தாங்கள் எழுதியதோ மூன்று வரிகள்
அது தரும் அர்த்தமோ பல பல

அருமை கவியே
மிகவும் ரசித்தேன்

by கே.எஸ்.கலை Thu Jun 20, 2013 4:16 pm

முரளிராஜா wrote:தாங்கள் எழுதியதோ மூன்று வரிகள்
அது தரும் அர்த்தமோ பல பல

அருமை கவியே
மிகவும் ரசித்தேன்

தங்கள் கருத்திற்கு உளப்பூர்வமான நன்றிகள் தோழரே !