ஊருக்கென்று வாழ்ந்த நெஞ்சம் சிலைகளாகலாம் உறவுக்கென்று விரிந்த நெஞ்சம் மலர்களாகலாம்

ஊருக்கென்று வாழ்ந்த நெஞ்சம் சிலைகளாகலாம்
உறவுக்கென்று விரிந்த நெஞ்சம் மலர்களாகலாம்

மனிதனுக்கு மூன்று உடம்புகள்
ஒன்று இறை தந்த உயிருடம்பு
மற்றது அன்னை தந்த பூத உடம்பு
மூன்றாவது ஊர் தந்த புகழுடம்பு
மரணத்தில் பூதஉடல் மண்ணுக்கு போகிறது ஆத்மா விண்ணுக்கு போகிறது.
ஆனால் புகழுடம்பு என்றும் பூமியில் வாழ்கிறது
மகாத்மாக்களின் உருவப்படம் வீடெங்கும் தொங்கும்
மாமனிதரின் சிலைகள் நாடெங்கும் தங்கும்
கவிஞரின் வரிகள் காதெங்கும் கேட்கும்
வீரரின் பெயர்கள் வீதிகளுக்கு பெயராகும்
இந்த குடும்பமும்,ஊரும்,சமூகமும்,தேசமும் தனக்காக உழைத்த உத்தமரை ஒரு போதும் மறப்பதில்லை
இதய சிம்மாசனத்தில் ஏற்றிக் கொண்டாடுகிறது.
ஒரு மனித உழைப்பின் நோக்கம் விரிவடைய புகழ் கூடுகிறது.
ஒரு நெஞ்சத்தின் அன்பின் பரப்பு விரிவடைய அழகு கூடுகிறது.
தனக்காக காய் பறித்தவனை விட‌ ஊருக்காக நெல் போட்டவன் உயர்ந்தவனாகிறான்.
தனக்காக கூரை போட்டவனை விட ஊருக்காக சாலை போட்டவன் உத்தமனாகிறான்.
தனக்காக கற்றவனை விட‌ அனைவருக்கும் கற்பித்தவன் ஆண்டவனாகிறான்.
தன் குடும்பத்துக்காக உயிரை விட்டவனை விட தேசத்துக்காக மடிந்தவன் தியாகியாகிறான்.
மணைவி,குழந்தை,சகோதரர்,உறவினர்என்றசேவை
அயலார்,ஊரார்,இனத்தார்,தேசத்தார்,உலகத்தார் என்று விரிந்து பரவும் போது
ஓடையாக இருந்த கங்கையானது
உலக மாபெருங்கடலாகி உள்ளம் வளர்கிறது.
அவனுடைய உயிரும் உடலும் மறைந்தாலும்
அவனது பெயரும் உருவமும் சந்திர சூர்யர் இருக்கும் வரை நிலைக்கும்.
உணவுக்காக,உறவுக்காக,சுகத்துக்காக,ஏங்கும் நெஞ்சங்கள் அதைத் தாண்டி வெளி வருவாதில்லை.
ஆனால் சில இதயங்கள் தன் உடலை,உயிரைத் தாண்டி உடன் பிறந்த உறவுக்களுக்காக உழைத்து வாழும் போது அவை அழகாகின்றன‌
நல்ல மலர்களைப் போல நறுமணம் பெருகிறது
புதிய பூக்களைப் போல புது நிறம் பொலிகின்றன.
அவரின் வண்ணமும் வாசமும் ஊரை,உலகை மயக்கி,
மனித மனங்களை வண்டுகளென சுற்ற வைக்கும்.
அவரது காலடியில் கண்பார்வையில் மனித உள்ளங்கள் ஏங்கி கிடக்கும்

Posted by DrBALA SUBRA MANIAN

   

அருமையான பதிவு. வாழ்த்துக்கள்.

நல்லதொரு பகிர்வு