வரலாற்று நிகழ்வுகள் : வாசனை திரவியங்கள்

அந்தக் குருகுலத்தில் நடைபெறும் பிரார்த்தனையில் மாணவர்கள் தவறாது கலந்து கொள்வர். ஒருநாள் பிரார்த்தனையின்போது ஒரு மாணவன் தட்டில் சாம்பிராணியை அதிகம் போட்டுப் புகைத்துக் கொண்டிருந்தான். புகை அறையெங்கும் நிறைந்து மண்டியிருந்தது.

ஆசிரியர் அந்த மாணவனைப் பார்த்து" "தம்பி, தற்போது சாம்பிராணி நம்மிடம் குறைந்த அளவே உள்ளது. சிக்கனமாகப் பயன்படுத்த வேண்டும். பிற்காலத்தில் இத்தகைய நறுமணப் பொருள்கள் விளையும் நாடுகளைக் கைப்பற்றும்போது, மனம் போல வேண்டிய அளவு புகைத்துக் கொள்ளலாம்'' என்று கூறினார்.

ஆசிரியர் கூறியது போலவே, அந்த மாணவன் பின்னாளில் சிரியா நாட்டைக் கைப்பற்றினான். அப்போது அங்கு சாம்பிராணி, குங்குலியம் போன்ற நறுமணப் பொருள்கள் ஏராளமாகக் கிடைத்தன. அப்பொருள்களைப் பார்த்தபோது தனது மாணவப் பருவத்தில் ஆசிரியர் கூறியது நினைவிற்கு வந்தது.

உடனே ஏராளமான நறுமணப் பொருள்களை ஆசிரியருக்கு அனுப்பி வைத்தான். அத்துடன் தனது ஆசிரியருக்கு ஒரு கடிதம் எழுதினான்.

"வணக்கத்திற்குரிய ஆசிரியர் அவர்களுக்கு, தங்களுக்கு வேண்டு மட்டும் சாம்பிராணியும், குங்குலியமும் அனுப்பி வைத்துள்ளேன். இனி பிரார்த்தனையின்போது, சிக்கனம் காட்ட வேண்டியதில்லை' என்று அதில் குறிப்பிட்டிருந்தார்.
அந்த முன்னாள் மாணவன்தான் உலகப் புகழ்பெற்ற மாவீரன் அலெக்ஸாண்டர்.


dinamani

நல்ல வரலாற்று பதிவு நன்றி அண்ணா

நன்றி முத்து.

நன்றி மகா பிரபு