20 வயது தொடக்கத்தில் பெண்கள் செய்யும் தவறுகள்

by முரளிராஜா Wed Oct 16, 2013 7:35 am

பொதுவாக அனைவரும் தம்மை அறியாமல் பல தவறுகளை இருபது வயதுகளில் தான் செய்வோம். ஏனெனில் இந்த வயதில் அனைவருக்கும், நாம் பெரிய ஆளாகிவிட்டோம் என்ற எண்ணம் எழும். இதனால் யார் என்ன சொன்னாலும் கேட்கமாட்டோம்.

நம் மனம் சொல்வதை மட்டும் தான் செய்வோம். மேலும் இந்த வயதில் உடல் மற்றும் மனம் முற்றிலும் வேறுபட்டிருக்கும். குறிப்பாக டீனேஜ் பருவம் முடிந்து அடுத்த பருவத்தில் காலடி எடுத்து வைக்கும் போது, மனதில் தோன்றும் முதல் எண்ணம், நான் ஒரு சுதந்திரப் பறவை என்பது. இக்காலத்தில் நண்பர்கள் மிகவும் முக்கியமானவர்களாக இருப்பர்.

பெற்றோர்கள் எதையும் செய்ய விடாமல் தடுக்கும் எதிரிகளாக இருப்பது போல் இருக்கும். மேலும் இந்த பருவத்தில் எண்ணற்ற தவறுகளை செய்ய நேரிடும். அதிலும் அத்தகைய தவறுகளை சற்று பெரியவர்களான பின்னர் நினைக்கும் போது, அவற்றில் சில வருத்தப்பட வைப்பவையாகவும், சில நகைச்சுவையாகவும் இருக்கும். டீனேஜ் பருவம் முடிந்து அடுத்த பருவத்தில் காலடி வைக்கும் போது, பெண்கள் செய்யக்கூடிய சில தவறுகளை பார்க்கலாம்..

• சமூக வலைத்தளங்களான ஃபேஸ் புக், ட்வீட்டர் போன்றவற்றில் எந்நேரமும் இருப்பது. இதனால் தேவையில்லாத நபர்களிடம் நட்புறவு கொண்டு, பின் பிரச்சனையில் சிக்கிக் கொள்வது.

• டீனேஜ் பருவம் முடிந்து அடுத்த பருவத்தில் காலடி வைக்கும் போது, இரவில் சரியாக தூங்காமல், காரணமே இல்லாமல் ஆண் நண்பர்களுடன் சாட்டிங் செய்வது.

• பெண்களை எளிதில் காதலில் விழும் காலம் தான் இருபது வயது. இந்த விவரம் தெரியாத இருபது வயதில் பெண்கள் காதலில் விழுந்து, இறுதியில் காதல் முறிவடையும் போது தான் தவறை உணர்வார்கள்.

• இன்றைய மார்டன் உலகில் ஃபேஷன் என்ற பெயரில் பெண்கள் கூட சிகரெட் பிடிப்பது, மது அருந்துவது என்றெல்லாம் செய்கிறார்கள். அதிலும் இந்த பழக்கம் விவரம் தெரியாத இருபது வயதில் தான் எளிதில் தொற்றிக் கொள்ளும்.

• 20 வயதுகளில் அனைத்து பெண்களும் செய்யும் ஒரு தவறு தான், அனைவரையும் கண்மூடித்தனமாக நம்புவது. யார் என்ன சொன்னாலும், அதை நம்பி அதற்கேற்றாற் போல் நடந்து கொண்டு, பின் வருத்தப்படுவார்கள்.

நன்றி மாலைமலர்

by நண்பன் Sat Oct 19, 2013 10:58 am

விழிப்புணர்வு பகிர்வுக்கு நன்றி அண்ணா

by sawmya Sat Oct 19, 2013 2:35 pm

ம்.ம்.ம்...

by ரானுஜா Sat Oct 19, 2013 2:40 pm

பகிர்வுக்கு நன்றி

by Kingstar Sat Oct 19, 2013 9:49 pm

சிறந்த பதிவு நன்றி

by Muthumohamed Sat Oct 19, 2013 10:59 pm

பயன்மிகு நல்ல பகிர்வு

பெண்கள் பாதுகாப்பாக இருந்தால் நல்லது தான்

by கவியருவி ம. ரமேஷ் Sun Oct 20, 2013 12:09 pm

• இன்றைய மார்டன் உலகில் ஃபேஷன் என்ற பெயரில் பெண்கள் கூட சிகரெட் பிடிப்பது, மது அருந்துவது என்றெல்லாம் செய்கிறார்கள். அதிலும் இந்த பழக்கம் விவரம் தெரியாத இருபது வயதில் தான் எளிதில் தொற்றிக் கொள்ளும்.

எதிர்கால நலன் கருதி பெண்கள் இதையாவது தவிர்க்க வேண்டும்...

by Manik Sun Oct 20, 2013 12:55 pm

இந்த அனைத்து தவறும் செய்த பின் பெற்றோர் தட்டிக் கொடுத்து சரி விடும்மா இதெல்லாம் ஒன்னும் இல்லன்னு சமாதானப் படுத்துனா நல்லாயிருக்கும்

கண்டிசன் போடுற பெற்றோரிடம் அடுத்து எந்த பெண்களும் உண்மையை சொல்லமாட்டார்கள்........