பிரபலங்களின் பழக்கவழக்கங்கள்!

பிரபலங்களின் பழக்கவழக்கங்கள்!

* லியோ டால்ஸ்டாய், ஃபயர் என்ஜின் ஹாரன் சத்தம் கேட்டால் மெய்மறந்து விடுவார். இவர் புருவம் முழுவதையும் நீக்கியிருந்தார்.

* ஷேவ் செய்து கொண்டிருக்கும்போது விசிலடித்துப் பாடுவார் ஐன்ஸ்டீன்.

* சார்லஸ் டிக்கன்சுக்கு கட்டிலில் ஒரு குறிப்பிட்ட நிலையில் படுத்தால்தான் தூக்கம் வரும். அதற்கு ஏற்றபடி கட்டிலையும் படுக்கையையும் சரிசெய்ய "காம்பஸ்' ஒன்றை வைத்திருந்தார் அவர்.

* வின்ஸ்டன் சர்ச்சிலுக்கு விதவிதமான தொப்பிகளைச் சேகரிப்பதென்றால் ரொம்பப் பிடிக்கும்.

* விக்டர் ஹியூகோ, புகழ்பெற்ற ""லே மிஸரபிள்'' நூலை நின்றுகொண்டே எழுதி முடித்தார்.

* பிரான்ஸ் நாட்டில் சுதந்திர உணர்ச்சியைத் தட்டி எழுப்பிய வால்டேர் என்னும் அறிஞருக்குப் புத்தகங்களில் எந்தப் பக்கமாவது பிடிக்கவில்லை என்றால், அந்தப் பக்கத்தைக் கிழித்துவிடுவார். எல்லாப் பக்கங்களோடும் ஒரு புத்தகமும் அவரிடம் இருக்காதாம்.

* ஷெல்லிக்கு காகிதக் கப்பல்கள் செய்து நீரில் விட்டு வேடிக்கை பார்ப்பதென்றால் அவ்வளவு இஷ்டம். கையில் எந்தக் காகிதம் கிடைத்தாலும் போச்சு...

* க்ரைம் நாவல் படிப்பதுபோல் டிக்ஷனரியை கையில் எடுத்தால் நேரம் போவதே தெரியாமல் படிப்பார் ஆபிரகாம் லிங்கன்.

-தொகுப்பு: செ. அஹமது கான்

ஷெல்லிக்கு காகிதக் கப்பல்கள் செய்து நீரில் விட்டு வேடிக்கை பார்ப்பதென்றால் அவ்வளவு இஷ்டம். கையில் எந்தக் காகிதம் கிடைத்தாலும் போச்சு...

அவரது வீட்டுப்பத்திரத்தை கொடுத்து பாருங்களேன்