கண்டுபிடியுங்கள் பார்க்கலாம் - புதிர் கேள்வி #18

by முழுமுதலோன் Fri Apr 25, 2014 4:09 pm

பூஞ்சோலை ஒரு அழகிய கிராமம் அங்கு ஒரு அழகிய வீட்டில் காங்கேயனும் கண்ணகியும். சிறப்பான முறையில் குடும்பம் நடத்தி வந்தனர் அவர்களுக்கு குழந்தை பாக்கியம் இல்லை இதுவே ஒரு பெரிய கவலையாக இருந்தது இருப்பினும் ஒருவரை ஒருவர் நன்கு புரிந்து கொண்டு இல்லற வாழ்வை இனிதே நடத்தி வந்தனர்

காங்கேயனும் தன் மனைவிக்கு குழ்ந்தை இல்லை என்பதை எந்த சூழ்நிலையிலும் சுட்டி காட்டாமல் தான் ஒரு குழந்தையாகவே மாறி தன் மனைவியிடம் மிகுந்த அன்பு காட்டி வந்தான் ஒவ்வொரு நாளும் வீட்டு வேலைகளையெல்லாம் முடித்து விட்டு கண்ணகி ஏதாவது ஒரு புத்தகத்தை படிக்கும் வழக்கம் கொண்டு இருந்தாள் அதே போல காங்கேயனும் இரவு 9 மணிக்கு தொலைக்காட்சியில் ஏதாவது ஒரு தொடர்கதை பார்த்துக் கொண்டு இருப்பதை தன் வழக்கமாக கொண்டு இருந்தான். இப்படியாக அவர்களின் வாழ்க்கை சிறப்பாக நடந்து கொண்டு இருந்தது .

ஒருநாள் வீட்டு வேலைகள் எல்லாம் முடிந்து காங்கேயன் தொலைகாட்சியில் தென்றல் தொடர்கதை பார்த்து கொண்டு இருந்தான் அதே நேரம் கண்ணகி ஒரு சிறந்த புத்தகம் ஒன்றை படித்து கொண்டு இருந்தாள் திடீரென்று மின்சாரம் நின்று போகவே வீட்டில் இருள் சூழ்ந்தது.

காங்கேயன் தான் விரும்பி பார்க்கும் தொலைக்காட்சித் தொடர் பார்க்க இயலாமல் போனதால் வீட்டின் உள்ளே சென்று மெழுகுவர்த்தியோ அல்லது வேறு விளக்கோ கிடைக்குமா என்று பார்த்தான். எதுவுமே கிடைக்கவில்லை. சரி படுத்துத் தூங்கலாம் என்று கண்ணகியை அழைத்தான். படிப்பதை நிறுத்திய அவள், தான் வரவில்லை என்றும் படிக்கவேண்டியது இன்னும் பாக்கி இருக்கிறது என்றும், முழுதும் படித்தபிறகு வந்து படுத்துக்கொள்வதாகவும் கூறினாள்.

சரி என்று காங்கேயன் போய்ப் படுத்துக்கொண்டான்.

கண்ணகி புத்தகம் முழுவதும் வாசித்த பிறகுதான் போய்ப் படுத்தாள்.

நண்பர்களே இப்போது உங்களுக்கு ஒரு கேள்வி...

மின்சாரம் இல்லாமல் இருள் சூழ்ந்திருந்த வீட்டில் இது அவளுக்கு எப்படி சாத்தியம் ஆனது?

புதிரை நல்ல படியுங்க .... சிறப்பான விடையை சொல்லுங்க ....

சரியான விடையை சொல்பவர்கள் உண்மையிலே புத்திசாலிதான்

சரியான விடை நாளை மாலை வெளியாகும் ....

by sairavi Sat Apr 26, 2014 10:10 am

கண்ணகிக்கு கண் தெரியாது எனவே அவள் ப்ரெயில் முறையில் இருட்டில் படித்திருக்கலாம்

by முழுமுதலோன் Sat Apr 26, 2014 11:55 am

sairavi wrote:கண்ணகிக்கு கண் தெரியாது எனவே அவள் ப்ரெயில் முறையில் இருட்டில் படித்திருக்கலாம்

புதிர் விடை :

கண்ணகிகண் பார்வையற்றவராக இருந்திருக்க வேண்டும் , பிரெய்லி முறையில் படித்துக் கொண்டிருந்திருக்கலாம்

சிறப்பான முறையில் சரியான விடையை முதலில் பதிவு செய்த சாய்ரவி அவர்களுக்கு வாழ்த்துக்கள்

உண்மையிலே நீங்கள் புத்திசாலிதான்
கண்டுபிடியுங்கள் பார்க்கலாம் - புதிர் கேள்வி #18 224