கண்களை பாதுகாப்போம்!

அகத்தின் அழகை முகம் காட்டிகொடுப்பது போல நமது கண்களும் அவற்றை பிரதிபலிக்கின்றன. இயற்கையான இடங்களையோ, அழகான பொருளையோ காணும்போது நம்மை எளிதில் அவ்விடத்திற்கு திசை திருப்பி விடும் சக்தியைக் கொண்டது கண்கள். அக்கண்களை நாம் மிகுந்த கவனத்துடன் பாதுகாக்க வேண்டும். கண்கள் சிவந்து இருருந்தாலோ, ஏதேனும் கட்டிகள் ஏற்பட்டாலே, கண்களை அலட்சியப்படுத்தாமல் அவற்றிக்கு உரிய மருத்துவத்தை கடைபிடிக்க வேண்டும்.

நந்தியாவட்டை புஷ்பங்களை பறித்து கண்களில் வைத்து இரவு முழுவதும் கட்டிவைத்துவிட்டு காலையில் அவிழ்த்து சுத்தம் செய்து விடுங்கள். பார்வை பளிச்சிடும். கண்ரோகம் வராது.  குடையில்லாமல் வெய்யிலில் சுற்றி விட்டு வந்தால் கண்கள் சிவப்பாகிவிடும். இதற்கு எலுமிச்ச பழச்சாறு, தண்ணீர் இரண்டையும் சமஅளவு கலந்து அதில் மிருதுவான பருத்தித் துணியை நனைத்து விழிகளை மூடி ஒத்தடம் கொடுங்கள். பின்னர் இருட்டு அறையில் பத்து நிமிடங்கள் கண்களை மூடிக்கொண்டு  படுத்திருந்துவிட்டு வெளியே வந்தால் கண் சிவப்பு மறைந்துவிடும்.

சில துளிகள் விளக்கெண்ணெயை இமை புருவம் முதலிய இடங்களில் இரவில் படுக்கப்போகும் முன் தடவுங்கள் இதனால் முடி நன்கு வளரும். இரவில் ஒவ்வொரு கண்ணுக்கும் ஒரு நன்கு பழுத்த எலுமிச்சம் பழத்தை வைத்துக் கட்டிக்கொண்டு படுத்துவிடுங்கள். காலை எடுத்து வைத்துவிட்டு கண்களை சுத்தம் செய்தால் கண்களுக்கு ஆரோக்கியம் கிடைக்கிறது. கண்களுக்கு ஒய்வு கொடுக்க வெள்ளரிப்பிஞ்சை துண்டுகளாக்கி ஐஸ் துணியில் வைத்துக் கட்டி படுத்துக்கொண்டு விழிகளை ஒற்றி எடுங்கள் கண்களுக்கு நல்லது.

தேயிலை நீரில் துணியை நனைத்து அடிக்கடி கண்களை துடைத்து விடுங்கள். கண்களில் சிவப்பு நிறம் உண்டாகாது. கண்வலி ஏற்படுவதற்கு முன்னோடியாக தான் கண்கள் சிவப்பாகும் இதை தாமதிக்காமல் உடனே சென்று புளிய மரத்திலிருந்து புளியங்கொழுந்து கொண்டு வந்து துவையலாக பக்குவபடுத்தி சாப்பிடுங்கள். இரண்டொரு நாட்களில் கண் சிவப்பு மறைந்துவிடும். மேலும் புளியங்கொழுந்து அதித சீதள தேகமுள்ளவர்களின் உடலில் எளிதில் உஷ்ணத்தை ஏற்படுத்த வல்லது.

நன்றி: தினகரன்

பயனுள்ள தகவல்கள்

நன்றி