தகவல்.நெட்
தகவல்.நெட் - உலக தமிழர்களுக்கான தளம்
உங்களை அன்புடன் வரவேற்கிறது.

தகவல்.நெட் தளத்தில் உங்கள் பதிவுகளையும், கருத்துகளையும் பதிவு செய்ய உங்களை உறுப்பினராக பதிவு செய்துகொள்ளுமாறு அன்புடன் கேட்டுக்கொள்கிறோம்.

தகவல்.நெட் தளத்தினை முகநூலில் தொடர www.facebook.com/amarkkalam


Join the forum, it's quick and easy

தகவல்.நெட்
தகவல்.நெட் - உலக தமிழர்களுக்கான தளம்
உங்களை அன்புடன் வரவேற்கிறது.

தகவல்.நெட் தளத்தில் உங்கள் பதிவுகளையும், கருத்துகளையும் பதிவு செய்ய உங்களை உறுப்பினராக பதிவு செய்துகொள்ளுமாறு அன்புடன் கேட்டுக்கொள்கிறோம்.

தகவல்.நெட் தளத்தினை முகநூலில் தொடர www.facebook.com/amarkkalam
தகவல்.நெட்
Would you like to react to this message? Create an account in a few clicks or log in to continue.
தகவல் முகநூல் பக்கம்
Thagaval.net


Latest topics
» தமிழ் இலக்கண இயக்கிய கவிதைகள்
by கவிப்புயல் இனியவன்

» கவிப்புயலின் போன்சாய் கவிதையும் விளக்கமும்
by கவிப்புயல் இனியவன்

» யோகா கவிதை
by கவிப்புயல் இனியவன்

» அகராதி கவிதை
by கவிப்புயல் இனியவன்

» நீண்ட இடைவெளி
by கவிப்புயல் இனியவன்

» அமைச்சர் கடும் கோபத்தோட போறாரே..!!
by rammalar

» ஆட்டோகிராப் வாங்குற சாக்குல வந்து, அடி பின்னி எடுத்துட்டாங்க...!!
by rammalar

» ஆட்டம், பாட்டம், -கொண்டாட்டாம் தான்...!!
by rammalar

» ஏதோ ஜாலி மூடுல ‘அடியே’னு கூப்பிட்டிருக்கார்...!!
by rammalar

» மன்னருக்கு போர்க்குணம் அதிகமாகி விட்டது...!!
by rammalar

» ஒன்று கோடை காலத்திற்கு, இன்னொன்று குளிர்காலத்திற்கு...!!
by rammalar

» அடக்கத்தால் சாதித்தவர்கள் ஏராளம்!
by rammalar

» மைக்ரோ கதை
by rammalar

» பேல்பூரி - தினமணி கதிர்
by rammalar

» வீடு கட்ட மினரல் வாட்டர் பயன்படுத்தினாராம்…!!
by rammalar

» நிம்மதியா தூங்கணுமா, நிரந்தரமா தூங்கணுமா?
by rammalar

» அவளுக்கு கோரஸாத்தான் பாட வரும்…!!
by rammalar

» சிங்கத்தை சீண்டிப் பார்த்துட்டாங்க…!!
by rammalar

» ஸ்குருநாதர்…!!
by rammalar

» மண்ணா மன்னா…!!
by rammalar

» பெண்கள் ஆண்களின் கால்களை தினமும் பிடித்துவிடவேண்டுமாம்.
by rammalar

» வில்லங்கமான விவாகரத்து வழக்கு ...!!
by rammalar

» - பல்சுவை- வாட்ஸ் அப் பகிர்வு
by rammalar

» கிச்சு…கிச்சு!!
by rammalar

» பொண்ணு வீட்டுக்காரங்க ரொம்ப சுத்தமானவங்க...!!
by rammalar

» என்னுடைய பலமே காதல் தான் – யுவன் ஷங்கர் ராஜா
by rammalar

» சந்தானம் ஜோடியான மலைளாள நடிகை
by rammalar

» ரகுவரன் மாதிரி பேரெடுக்கணும்!
by rammalar

» நான் பொன்மாணிக்க வேலின் மனைவி – நிவேதா பெத்துராஜ்
by rammalar

» விஜய் சேதுபதியுடன் நடிக்கும் பாரதிராஜா
by rammalar

» பிரபல நடிகருடன் மீண்டும் இணையும் தமன்னா
by rammalar

» அமலாபால் படத்தில் ஐபிஎல் வர்ணனையாளர்
by rammalar

» ‘‘மோகினி-2 படத்திலும் நடிப்பேன்’’ -திரிஷா
by rammalar

» ஜூங்கா: திரைவிமர்சனம்
by rammalar

» சிவனடியாராக நடிக்கும் சாயாஜி ஷிண்டே
by rammalar

» காதலருடன் பிரியங்கா சோப்ராவுக்கு நிச்சயதார்த்தம்
by rammalar

» சினி துளிகள்!
by rammalar

» லேடி டான்’ வேடத்தில் நமீதா!
by rammalar

» ரிஸ்க்’ எடுக்கும் வரலட்சுமி!
by rammalar

» அதிரடி வேத்தில் சாயிஷா சாய்கல்!
by rammalar

Top posting users this week
No user


பதிவுகளை மின்னஞ்சலில் பெற:

Delivered by FeedBurner


புதிய ஆப்பிள் மொபைல் சிஸ்டம் ஐ.ஓ.எஸ்.8

View previous topic View next topic Go down

புதிய ஆப்பிள் மொபைல் சிஸ்டம் ஐ.ஓ.எஸ்.8 Empty புதிய ஆப்பிள் மொபைல் சிஸ்டம் ஐ.ஓ.எஸ்.8

Post by நாஞ்சில் குமார் Thu Oct 02, 2014 12:56 pm

புதிய ஆப்பிள் மொபைல் சிஸ்டம் ஐ.ஓ.எஸ்.8 2ilgajn

தன் புதிய ஐபோன்களை வெளியிட்டதனைத் தொடர்ந்து, ஆப்பிள் நிறுவனம், ஐபோன் மற்றும் ஐபேட் சாதனங்களில் பயன்படுத்த, புதிய ஆப்பரேட்டிங் சிஸ்டம் ஐ.ஓ.எஸ்.8 னையும் வெளியிட்டது. சென்ற ஜூன் மாதத்தில் நடந்த, தன் உலகளாவிய டெவலப்பர் கருத்தரங்கில், ஆப்பிள் புதிய மொபைல் ஆப்பரேட்டிங் சிஸ்டம் குறித்த தகவலை வெளியிட்டது. சென்ற செப்டம்பர் 17ல், புதிய ஐ.ஓ.எஸ். 8 சிஸ்டத்தினை, தன் வாடிக்கையாளர்கள் தரவிறக்கம் செய்திட தந்தது. வழக்கம் போல, இது இலவசமாகவே கிடைக்கிறது.

2013 ஆம் ஆண்டில், ஐ.ஓ.எஸ். 7 வெளியான போது, அது ஆப்பிள் நிறுவனத்தின், ஐபோன், ஐபாட் டச் மற்றும் ஐ பேட் சாதனங்களுக்கான ஆப்பரேட்டிங் சிஸ்டத்தில் மிகப் பெரும் மாற்றங்களைக் கொண்டு வந்தது. இப்போது வந்திருக்கும் ஐ.ஓ.எஸ்.8, அந்த அளவிற்கு புதிய மாற்றங்களைத் தரவில்லை என்றாலும், பல புதிய வசதிகளைத் தந்துள்ளது. அவற்றை இங்கு காணலாம். சில மாற்றங்களும், வசதிகளும், ஐ.ஓ.எஸ்.7 சிஸ்டம் தந்தனைக் காட்டிலும் குறிப்பிட்டுச் சொல்லத் தக்கனவாக உள்ளன.

1. Handoff: இது ஓர் எதிர்பாராத வசதி என்று அனைவரும் பாராட்டுகின்றனர். மேக் கம்ப்யூட்டர் ஒன்றில் டெக்ஸ்ட் டாகுமெண்ட் தயாரித்துக் கொண்டிருக்கிறீர்கள்; அல்லது படம் ஒன்றைத் திருத்திக் கொண்டிருக்கிறீர்கள்; அல்லது இமெயில் ஒன்றை அனுப்ப தயாரித்துக் கொண்டிருக்கிறீர்கள். அந்த நிலையில், வேறு ஒரு வேலையாகச் சற்று வெளியே செல்ல வேண்டியதுள்ளது. அந்த நிலையில், உங்களுடைய ஐபோன் அல்லது ஐபேட் கொண்டு, அதே வேலையை அதில் மேற்கொள்ளலாம். Handoff வழியாக, உங்களுடைய அனைத்து ஆப்பிள் சாதனங்களும் நீங்கள் பார்த்துக் கொண்டிருக்கும் வேலையினை உணர்ந்து தெரிந்து கொண்டிருக்கும். எனவே, இன்னொரு வசதியான சாதனத்தினை திறந்து, வேலையைத் தொடரலாம். Handoff பயன்படுத்த ஐ.ஓ.எஸ்.8, மேக் ஓ.எஸ். எக்ஸ் 10.10 மற்றும் வேலையை மேற்கொள்வதற்கான, அங்கீகரிக்கப்பட்ட தர்ட் பார்ட்டி அப்ளிகேஷன்கள் உங்கள் சாதனங்களில் இருக்க வேண்டும்.

2. Healthkit: ஐ.ஓ.எஸ்.8 சிஸ்டத்தில் இணைந்தே அறிமுகமாகியுள்ள இன்னொரு அப்ளிகேஷன் Health என்பதாகும். இந்த அப்ளிகேஷனில், உங்கள் உடல் நலம் குறித்த அனைத்து தகவல்களையும் பதிந்து வைக்கலாம். எடை, எப்படி உறங்குகிறீர்கள், இரத்த அழுத்தம், மருத்துவ ரீதியாக உடல் நிலை இன்னும் உங்கள் உடல் நலம் சார்ந்த அனைத்தும் பதிவு செய்திடலாம். ஐபோன் 5எஸ் மற்றும் ஐபோன் 6 வழியாக, நீங்கள் உங்கள் உடல் நலம் சார்ந்து எடுக்கும் நடவடிக்கைகளையும் இந்த அப்ளிகேஷன் பெற்று தக்க வைக்கும். வர இருக்கும் ஆப்பிள் வாட்ச் சாதனமும் இந்த தகவல்களைத் தரும் என்று எதிர்பார்க்கப்படுகிறது. இதன் மூலம் நீங்கள் எங்கு சென்றாலும், உங்கள் உடல் நலம் குறித்த அன்றைய நாள் வரையிலான தகவல்கள் பதிக்கப்பட்டு, உடனடியாக உங்களுக்கும், உங்களைச் சார்ந்தவர்களுக்கும், மருத்துவர்களுக்கும் கிடைக்கின்றன.

3. Customised Keyboard: இதுவரை ஆண்ட்ராய்ட் சிஸ்டம் பயன்படுத்துபவர்கள் மட்டுமே, நம் இஷ்டப்படி வடிவமைக்கக் கூடிய கீ போர்டினைப் பெற்றுள்ளனர் என்று கூறிக் கொண்டிருந்தனர். Swype என்ற மாற்று கீ போர்ட் மூலம் போன்களில் துல்லியமாகவும் எளிதாகவும் எழுத முடிகிறது என்று கூறி புகழ்ந்து வந்தனர். ஐ.ஓ.எஸ்.8 இந்த பிரிவில் தற்போது வெற்றி பெற்றுள்ளது. Swype உட்பட, எந்த கீ போர்டையும் நம் வசதிப்படி மாற்றி அமைத்து இயக்க முடியும் வசதியினைத் தந்துள்ளது.

4. App-to-App: அனைத்து அப்ளிகேஷன்களும் பயன்படுத்தக் கூடிய பொதுவான வசதிகள் பல இந்த சிஸ்டத்தில் அப்ளிகேஷன்களுக்குத் தரப்பட்டுள்ளன. இதுவரை ஆப்பரேட்டிங் சிஸ்டம் தன்னிடத்தே சில வசதிகளைக் கொண்டு, அவற்றை அப்ளிகேஷன்கள் பயன்படுத்த வழங்கி வந்தது. இப்போது ஐ.ஓ.எஸ்.8, ஒரு அப்ளிகேஷன் வைத்திருக்கும் வசதிகள், மற்ற அப்ளிகேஷன்களும் பயன்படுத்தும் வகையில் வழி செய்யப்பட்டுள்ளது. எனவே, அப்ளிகேஷன்கள் இப்போது ஆப்பரேட்டிங் சிஸ்டத்தின் இயக்க தன்மையைப் பெற்றுள்ளன. இதன் மூலம் ஆடியோ அப்ளிகேஷன் ஒன்றின் வசதிகளை, வீடியோ அப்ளிகேஷன் ஒன்றும் பகிர்ந்து கொள்ளலாம்.

5. iOS to Mac AirDrop: ஐ.ஓ.எஸ். 7 சிஸ்டத்தில், ஏர் ட்ராப் (AirDrop) என்னும் வயர்லெஸ் பைல் மாற்றும் வசதி தரப்பட்டது. அது ஐ.ஓ.எஸ். பயன்படுத்தும் சாதனங்களுக்கிடையே மட்டுமே செயல்படுத்தும் வகையில் இயங்கியது. இது மிகவும் பயனுள்ளதாக இருந்தது. ஆனால், ஐ.ஓ.எஸ். பயன்படுத்தும் சாதனங்களுக்கிடையேதான் இயங்கியது. தற்போது, ஐ.ஓ.எஸ். 8, இந்த பைல் மாற்றும் வசதியை மேக் கம்ப்யூட்டர்களுக்கும் ஐ.ஓ.எஸ். சாதனங்களுக்கு இடையேயும் தந்துள்ளது.

6. Family Sharing: நாம் நமக்குத் தெரிந்த குடும்பங்களுக்கிடையே நம்முடைய சிடி, டிவிடி மற்றும் நூல்களைப் பகிர்ந்து கொள்கிறோம். இந்த டிஜிட்டல் பொழுது போக்கு உலகில், நாம் டவுண்லோட் செய்திடும் விஷயங்களைப் பகிர்ந்து கொள்ள முடியவில்லை. இந்தப் பிரச்னையை ஆப்பிள் Family Sharing என்ற அப்ளிகேஷன் மூலம் தீர்த்து வைத்துள்ளது. இதனை செட் செய்து வைக்கும் நம் குடும்ப உறுப்பினர்கள், நண்பர்கள் (ஒரே கிரெடிட் கார்டினைப் பயன்படுத்தும் நிலையில்) ஒருவர் வாங்கிடும் சிடி அல்லது புரோகிராமினை மற்றவர்களும் டவுண்லோட் செய்து பயன்படுத்திக் கொள்ளலாம்.

7. iCloud Drive: ட்ராப் பாக்ஸ் பயன்படுத்துபவர்கள் அனைவரும் அதனை, அது தரும் இணைவிக்கும் வசதியினை மிகவும் விரும்புவார்கள். ட்ராப் பாக்ஸில் சேமிக்கும் பைல்கள் அனைத்தும் நாம் பயன்படுத்தும் சாதனங்கள் அனைத்திலும் அப்டேட் செய்யப்படும். ஆப்பிள் இப்போது இதே போன்றதொரு வசதியை iCloud Drive மூலம் தருகிறது. இதில் சேவ் செய்யப்படும் பைல்கள் அனைத்தையும், ஒத்திசைவான ஆப்பிள் சாதனங்களில் பெறலாம். மாற்றலாம். மாற்றங்களுடன் பைல்கள் மீண்டும் இந்த ட்ரைவில் சேவ் செய்யப்படும்.

8. Easy Access to Favorites: பயனாளர்களை வழி நடத்தும் இடைமுக வழிகளில் பல மாற்றங்களை ஐ.ஓ.எஸ்.8 கொண்டு வந்துள்ளது. அவற்றில் மிக முக்கியாமான ஒன்று நம் அப்போதைய தொடர்புகளையும், பிரியமான தொடர்புகளையும் பெறும் வசதி. அப்ளிகேஷன் ஒன்றில் டேப் செய்து, ஒரு தொடர்பினைத் தேடுவதற்குப் பதிலாக, ஹோம் பட்டனில் இருமுறை டேப் செய்தாலே, நாம் அடிக்கடி தொடர்புகொள்ளும் எண்கள் பட்டியலாகக் கிடைக்கிறது. இந்தப் பட்டியலில் யாருடன் தொடர்பு கொள்ள வேண்டுமோ, அந்த எண் அல்லது பெயரை டேப் செய்தால், உடன் இணைப்பு கிடைக்கிறது. அல்லது FaceTime மூலம் அவர்களைத் தொடர்பு கொள்ளலாம்.

9. Touch ID for Apps: ஐபோன் 5 எஸ் மற்றும் ஐபோன் 6ல் தரப்பட்டுள்ள டச் ஐ.டி. விரல் ரேகை ஸ்கேனர் வசதி நம் போனைப் பாதுகாப்பதில் சிறந்த வழியைத் தருகிறது. ஆனால், இந்த வசதி உங்கள் ஐபோனைத் திறப்பதற்கும், App Store மூலம் ஏதேனும் பொருள் வாங்கும்போது, உங்கள் ஆப்பிள் ஐ.டி. மற்றும் பாஸ்வேர்டினை அமைத்து இயக்கவும் பயன்பட்டது. ஆனால், இனி இது தேவை இல்லை. ஐ.ஓ.எஸ்.8 சிஸ்டத்திற்கான தர்ட் பார்ட்டி அப்ளிகேஷன் ஒன்று இந்த டச் ஐ.டி.யைப் பயன்படுத்தி நம் டேட்டாவினைப் பாதுகாக்கும் பணியை ஏற்றுக் கொள்கிறது. இது நிதி சார்ந்த அப்ளிகேஷன்களை இயக்கும்போது நமக்குப் பாதுகாப்பாக இருக்கும்.

10. Share Your Location: நீங்கள் எங்கிருக்கிறீர்கள் என்று உங்கள் நண்பர்கள் அறிந்து கொண்டு, உங்களை எளிதாக அவர்கள் சந்திக்க வேண்டும் என்று விரும்புகிறீர்களா? உங்களுடைய ஜி.பி.எஸ். டேட்டா மூலம் இதனை அறியலாம். இப்போது ஐ.ஓ.எஸ். 8 மூலம், இந்த தகவல்களை எளிதாக உங்கள் நண்பர்கள் பெற முடியும். உங்களுக்குத் தேவை இல்லாத அழைப்புகளை ஏற்படுத்தி அறிய வேண்டியதில்லை.

11.Notification Center: பொதுவாக நோட்டிபிகேஷன் செண்டர் நம்முடைய அலர்ட் செய்திகளிலிருந்து தகவல்களைப் பெற பயன்படுத்தப்பட்டது. இப்போது, நாம் அதில் வருகின்ற அறிவிப்புகளுக்கு, அங்கிருந்தே பதில் அளிக்கலாம். அவற்றை பேஸ்புக்கில் பதியலாம். காலண்டர் வழி அழைப்புகளுக்கு பதில் தரலாம். மற்ற அப்ளிகேஷன்களுக்குச் செல்ல வேண்டிய தேவை ஏற்பட்டால் அதிலிருந்தே செல்லலாம். இந்த வகையில் இது விரிவாக்கப்பட்டுள்ளது.

12.Audio Clips via Messages: ஐ.ஓ.எஸ்.8 சிஸ்டத்தில், மெசேஜ் அனுப்புவதில் பல முன்னேறிய வசதிகள் கிடைக்கின்றன. சிறிய ஆடியோ பைல்களைத் தயார் செய்து அனுப்பலாம். விடியோ பைல்களையும் செய்தியாகவே அனுப்பலாம். எனவே டெக்ஸ்ட் டைப் செய்திடுவது எல்லாம் இனி பழங்கதையாகிவிடும். இதனால் நம் தகவல் மற்றும் செய்தி தொடர்புகள் மிகவும் ஆர்வமூட்டுபவையாக அமையும்.

13.Homekit: நம் ஸ்மார்ட்போன் அல்லது கம்ப்யூட்டர் வழியாக, நம் வீட்டில் இயங்கும் டிஜிட்டல் சாதனங்களை இயக்குவதும்
கட்டுப்படுத்துவதும் இனி எளிதாகும். இன்னும் சில ஆண்டுகளில் இது மிகவும் சாதாரண ஒரு செயலாக இருக்கப் போகிறது. ஏர் கண்டிஷனர், மின் விளக்குகள், மின்விசிறிகள், மின் அடுப்புகள் அனைத்து வை பி யில் இணைந்து செயல்படுபவையாகக் கிடைக்க இருக்கின்றன. அப்போது நம் ஸ்மார்ட் போன் மூலம் அவற்றின் இயக்கத்தினைக் கட்டுப்படுத்தலாம். ஐ.ஓ.எஸ்.8 இந்த வசதிக்கு அடிப்படை அமைத்துள்ளது. Home Automation என ஆப்பிள் இதனை அழைக்கிறது. இனி டிஜிட்டல் சாதனங்களை வடிவமைப்பவர்கள், இந்த Home Automation செயலாக்கத்திற்கு இணைவாக தங்கள் சாதனங்களை உருவாக்குவார்கள்.

மேலே சொல்லப்பட்ட வசதிகள் அனைத்தும் அதன் முழுமையான பரிணாமங்களுடன் விளக்கப்படவில்லை. இவற்றை அனுபவிக்கும்போது மட்டுமே, இந்த புதிய ஆப்பரேட்டிங் சிஸ்டத்தின் சிறப்பை உணர முடியும். ஐ.ஓ.எஸ். 8 இது போன்ற பல வசதிகளைத் தரும் திறனைத் தன்னுள் கொண்டுள்ளது என்பதனை நாம் உணர்ந்து கொண்டால் அதுவே இப்போதைக்குப் போதும்.

- தினமலர் கம்ப்யுட்டர் மலர்
நாஞ்சில் குமார்
நாஞ்சில் குமார்
தகவல் பதிவாளர்
தகவல் பதிவாளர்

பதிவுகள் : 4656

Back to top Go down

புதிய ஆப்பிள் மொபைல் சிஸ்டம் ஐ.ஓ.எஸ்.8 Empty Re: புதிய ஆப்பிள் மொபைல் சிஸ்டம் ஐ.ஓ.எஸ்.8

Post by நாஞ்சில் குமார் Thu Oct 02, 2014 12:59 pm

ஐ.ஓ.எஸ். 8 ஏற்கும் சாதனங்கள்


ஆப்பிள் நிறுவனம் அண்மையில் வழங்கி இருக்கும், புதிய ஆப்பரேட்டிங் சிஸ்டம் ஐ.ஓ.எஸ்.8, கீழ்க்கண்ட சாதனங்களில் ஏற்றுக் கொள்ளப்படும் என்று அறிவிக்கப்பட்டுள்ளது. அவற்றின் மூலம் இணையத்திலிருந்து டவுண்லோட் செய்து இன்ஸ்டால் செய்து கொள்ளலாம். அதன் மூலம் ஐ.ஓ.எஸ். 8 தரும் புதிய வசதிகள் அனைத்தையும் அனுபவிக்கலாம். அந்த சாதனங்கள் பின்வருமாறு:

ஐபோன்: ஐபோன் 5, ஐபோன் 5 எஸ், ஐபோன் 5 சி, மற்றும் ஐபோன் 4 எஸ்.
ஐபாட் டச்: ஐந்தாவது ஜெனரேஷன் ஐபாட் டச் சாதனங்கள்.
ஐபேட்: ஐபேட் ஏர், ஐபேட் 4 ஆவது ஜெனரேஷன் சாதனம், ஐபேட் 2, ரெடினா டிஸ்பிளே கொண்ட ஐபேட் மினி, ஐபேட் மினி.

முன்பு ஐ.ஓ.எஸ்.7 வெளியிட்ட போது, அது தந்த வசதிகள் அனைத்தும், அனைத்து சாதனங்களிலும் கிடைக்கவில்லை. தேர்ந்தெடுக்கப்பட்ட சில வசதிகள் கிடைக்காமல் இருந்தன. தற்போது ஐ.ஓ.எஸ்.8 வசதிகள் அனைத்தும், அனைத்து சாதனங்களிலும் கிடைக்கும் என அறிவிக்கப்பட்டுள்ளது.

உங்களிடம் உள்ள ஆப்பிள் நிறுவன சாதனம், மேலே சொல்லப்பட்ட சாதனங்களின் பட்டியலில் இல்லை என்றால், வருத்தப்பட வேண்டாம். அதில் உள்ள ஐ.ஓ.எஸ். 7 சிஸ்டம் பல வசதிகளைத் தொடர்ந்து தந்து வருகிறது.

மிகப் பழைய ஐபோன் வைத்திருப்பவர்கள், ஐ.ஓ.எஸ். 8 சிஸ்டம் தரும் வசதிகளை அனுபவிக்க விரும்பினால், அவர்கள் புதிய ஐபோன் ஒன்றுக்கு மாற வேண்டியதிருக்கும்.

- தினமலர் கம்ப்யுட்டர் மலர்
நாஞ்சில் குமார்
நாஞ்சில் குமார்
தகவல் பதிவாளர்
தகவல் பதிவாளர்

பதிவுகள் : 4656

Back to top Go down

View previous topic View next topic Back to top

- Similar topics

Permissions in this forum:
You cannot reply to topics in this forum