சங்கடப்படாத மரங்கள்!

by kanmani singh Mon Nov 17, 2014 5:35 pm

சருகுகளாய் போன இலைகள் குறித்து
சங்கடப்படாத மரங்கள்
நன்றி கெட்டவையா?
போனது போகட்டும் புதியது பிறக்கட்டும் என்ற
முற்போக்கு வாதிகளா??

******************
வீட்டுக்குள் எரியும்
விளக்கும் வெளிச்சம் தரும்...
வீடே எரிகையிலும் வெளிச்சம் வரும்!
நெருப்புக்கு தெரிவதில்லை
நீதியும் நியாயமும்!

******************
காணும் இடமெல்லாம் தெரியும்
கொன்றைப் பூக்களை சூடிக் கொள்வதில்லையென
மறுத்துப் போவதில்லை காற்று...
மல்லிகையிடம் மயங்கி
அங்கே தங்கிப் போவதும் இல்லை!!