முள்ளங்கி -தேங்காய்  கறி

என்னென்ன தேவை?

பிஞ்சு முள்ளங்கி - 1/4 கிலோ,
மோர் - 1 கப்,
கடுகு, உளுத்தம் பருப்பு - தலா 1 டீஸ்பூன்,
தேங்காய்த் துருவல் - 3 டேபிள்ஸ்பூன்,
பெருங்காயத் தூள் - 1/4 டீஸ்பூன்,
காய்ந்த மிளகாய் - 1,
கறிவேப்பிலை - சிறிதளவு,
தேங்காய் எண்ணெய் - 1 டேபிள்ஸ்பூன்,
உப்பு - தேவையான அளவு.


எப்படிச் செய்வது?  

முள்ளங்கியின் தோலை சீவிக் கொள்ளவும். பின்பு அதை சீவலில் வைத்து துருவிக் கொள்ளவும்.  துருவிய முள்ளங்கியை 1 கப் மோரில் சிறிது உப்பு கலந்து 5 நிமிடங்கள் ஊற வைக்கவும். 5 நிமிடங்கள் கழித்து, நன்றாகப் பிழிந்து எடுத்துக் கொள்ளவும். கடாயில் எண்ணெய் விட்டு கடுகு, உளுத்தம் பருப்பு தாளித்து, பெருங்காயத் தூள், கறிவேப்பிலை, காய்ந்த மிளகாய் சேர்க்கவும். பிறகு முள்ளங்கியை அதில் போட்டு தேவையான அளவு உப்புச் சேர்த்து கிளறி மூடி வைக்கவும். சிறிது நேரத்துக்குப் பின் மறுபடியும் வதக்கவும். நன்றாக வதங்கிய பின் தேங்காய்த் துருவல் தூவி இறக்கவும்.

- தினகரன்