ரசமலாய்

என்னென்ன தேவை?

பால் - 2 லிட்டர்,
சர்க்கரை - 300 கிராம்,
ரவை - 1 டீஸ்பூன்,
குங்குமப்பூ - சிறிது,
மஞ்சள் கலர் - சிறிதளவு,
பொடித்த பிஸ்தா, சாரைப் பருப்பு - தேவைக்கு.

பொடிப்பதற்கு...

ஏலக்காய் தூள் - 1 டீஸ்பூன்,
வெள்ளை மிளகுத் தூள் - ஒரு சிட்டிகை,
சோம்பு - 1/4 டீஸ்பூன்,
சர்க் கரை - 2 டீஸ்பூன்.


எப்படிச் செய்வது?  

1 1/2 லிட்டர் பாலில் பனீர் தயார் செய்யவும். அல்லது 250 கிராம் ரெடிமேட் பனீர் எடுத்து நன்றாக அழுத்தித் தேய்க்கவும். இத்துடன் ரவை, பொடித்த சர்க்கரை சேர்த்து தேய்த்து ஒரு சிட்டிகை மஞ்சள் கலர் பவுடர் சேர்க்கவும். பின் இதை உருட்டி வடை போல் தட்டி வைக்கவும். அதே நேரத்தில் குக்கரில் 2 கப் தண்ணீர் விட்டு 150 கிராம் சர்க்கரை சேர்த்து கொதிக்கவிட்டு தட்டிய பனீர் வடையை போட்டு மூடி போட்டு ஒரு விசில் வரும் வரை வைக்கவும். பின் இறக்கி ஆறவிட்டு மெதுவாக ரசமலாயை சல்லி கரண்டியால் எடுத்து வைக்கவும். வேறு ஒரு பாத்திரத்தில் 1/2 லிட்டர் பால் சேர்த்து 150 கிராம் சர்க்கரை போட்டு சுண்டக் காய்ச்சவும்.

இத்துடன் மிளகுத் தூள், ஏலக்காய் தூள், மஞ்சள் கலர், சோம்பு தூள், குங்குமப்பூ சேர்த்து மிதமான தீயில் கொதிக்கவிட்டு பால் கெட்டியான பதம் வந்ததும் குக்கரில் இருந்து எடுத்த பனீர் வடைகளை மெதுவாக அழுத்தி உள் கையில் உடையாமல் இந்தப் பாலில் போடவும். அதற்கு மேல் பொடித்த பிஸ்தா, சாரைப் பருப்பு, குங்குமப்பூ சேர்த்து 2 மணி நேரம் ஊறியவுடன் எடுத்து கப்பில் போட்டு குளிர வைத்து சில்வர் பேப்பரால் அலங்கரித்துப் பரிமாறவும்.

- தினகரன்