புத்தாண்டு புதிர் விருந்து - போட்டி எண் -35

by முழுமுதலோன் Tue Apr 14, 2015 3:22 pm

புத்தாண்டில் ஓர் எளிய புதிர்

சித்திரை மாத தொடக்கம்

திறமைசாலிகளுக்கு மீண்டும் ஒரு புதிர் விருந்து

வாருங்கள் படியுங்கள் பதிலை பதிவு செய்யுங்கள்

சென்னையில் ஜன நடமாட்டம் மிகுந்த போரூர் பிரதான சாலையில் அழகிய ஒரு பங்களா. பார்ப்பவர்கள் நிச்சயமாக ஒரு முறையாவது நின்று பார்த்து விட்டு தான் செல்வார்கள். அந்த அளவுக்கு அழகிய பங்களா அதன் உரிமையாளர் ராகவன் ஒரு கோடீஸ்வரர். கிரானைட் ஏற்றுமதியாளர் அந்த பகுதியில் ஒரு பெரும் புள்ளி. இருந்தாலும் அனைவரிடமும் நட்புடன் பழகுபவர்

சென்ற வாரம் தான் வியாபார விஷயமாக சிங்கபூருக்கு ஒரு வார பயணமாக சென்றவர் சனியன்று மாலை சென்னை திரும்பினார் அது அவருக்கு ஒரு சிறப்பு பயணம் மறுநாள் ஞாயிற்றுக் கிழமை ஆதலால் சற்று அதிக நேரம் ஓய்வு எடுக்கலாம் என்று எண்ணி அயர்ந்து தூங்கி விட்டார் அவரது வீட்டு கடிகாரம் காலை 9 மணி அடித்து ஓய்ந்தது

சற்று தாமதமாக எழுந்த ராகவன் நேராக குளிக்க சென்றார் அதற்கு சற்று முன்னர் தான் தன்னுடைய டிரைவர்க்கு போன் செய்து வெளியில் செல்ல வேண்டும் உடனேயே வந்து வீடு என்றார் அவனும் ஐயா நான் காலையிலே வந்து விட்டேன் வண்டியை துடைத்து கொண்டு உள்ளேன் என்றும் கூறினான்

நெடு நேரம் ஆகியும் பாத் ரூமிலிருந்து அவர் திரும்பி வராததால் அவரது மனைவி என்ன ஏதோ என்று பயந்து குளியல்றைக்கு சென்றாள். வீல் என்ற ஒரு அலறல் சத்தம் அவ்வளவுதான்... அவள் கண்ட காட்சி அவளது கணவன் ராகவன் கொலை செய்யப்பட்டு கிடந்தார்

பார்த்த மாத்திரதில் அவளும் மயக்கமாகிவிட்டாள் உடனேயே அங்கிருந்த வேலைக்காரர்கள் அனைவரும் ஒன்று கூடி அவளது மயக்கத்தினை தெளிய வைத்தனர் என்ன செய்வது என்று புரியவில்லை வெளியில் இருந்தும் அந்த பங்களாவுக்கு யாரும் வரவும் இல்லை கார் டிரைவர் தவிர.....

அங்கு இருந்த வேலையாட்களும் மிகவும் நல்லவ்ர்களாகதான் இருந்தாகள் எப்போதாவது ஒரு முறை
ராகவனுக்கும் அவரது மனைவிக்கும் சண்டை வருவது உண்டு அடுத்த நாள் அது சரியாகி விடும்

மயக்கம் தெளிந்த ராகவன் மனைவி உடனடியாக காவல் நிலையத்துக்குத் தகவல் கொடுத்தாள்.காவலர்கள் வந்தார்கள். ஆய்வாளர் தனது விசாரனையைத் துவக்கினார்.விசாரனையின் முடிவில் சில விஷயங்களைத் தெரிந்து கொண்டார்

1. மனைவி-காலையில் தான் தூங்கிக் கொண்டு இருந்ததாகக் கூறினாள்.
2. சமையல்காரன்-தான் காலை உணவு தாயாரித்துக் கொண்டிருந்ததாக சொன்னான்.
3. தோட்டக்காரன்-பூச்செடிகளுக்கு தண்ணீர் பாய்ச்சிக் கொண்டிருந்ததாக சொன்னான்.
4. வேலைக்காரன்-தபால்காரரிடம் கடிதங்களைப் பெற்றுக் கொண்டிருந்ததாக கூறினான்.
5. டிரைவர்-காரைத் துடைத்துக்கொண்டிருந்ததாக கூறினான்.

இதையெல்லாம் பொறுமையாக கேட்ட ஆய்வாளர், உடனே குற்றவாளியைக் கைது செய்தார்.

யார் அந்த குற்றவாளி உங்களுக்கு தெரியுமா ?

தெரிந்தவர்கள் உடனேயே விடையயை பதிவு செய்யுங்கள்

தெரியாதவர்கள் கொஞ்சம் யோசித்து பின்னர் பதில் அளியுங்கள்

சரியான விடை நாளை பதிவு செய்யப்படும்

@முரளிராஜா, @ஸ்ரீராம், @ரானுஜா @kanmani singh, @mohaideen,@mohanavani
@கவிப்புயல் இனியவன், @கவியருவி ம. ரமேஷ், @செந்தில், @ந.க.துறைவன்

by ஸ்ரீராம் Tue Apr 14, 2015 4:38 pm

அண்ணன் wrote:
சென்ற வாரம் தான் வியாபார விஷயமாக சிங்கபூருக்கு ஒரு வார பயணமாக சென்றவர் சனியன்று மாலை சென்னை திரும்பினார் அது அவருக்கு ஒரு சிறப்பு பயணம் மறுநாள் ஞாயிற்றுக் கிழமை ஆதலால் சற்று அதிக நேரம் ஓய்வு எடுக்கலாம் என்று எண்ணி அயர்ந்து தூங்கி விட்டார் அவரது வீட்டு கடிகாரம் காலை 9 மணி அடித்து ஓய்ந்தது.

அப்ப இறந்தது ஞாயிற்று கிழமை காலை நேரத்தில்.