மேலூர் தென்றலின் கவிதைகள்

by subramaniansivam Fri Apr 17, 2015 12:26 am

நிதர்சனம்

நேற்றிரவு
நானெழுதிய கவிதையும்
இன்று காலை
தபாலில் வந்து சேர்ந்த
கவிதை நூலும்,

மேஜையும்
அதன்மேல் விரிப்பும்
சுந்தர் மாமா தந்த
ஹீரோ பேனாவும்,

அப்படியே இருந்தபோது...

நேற்று சாப்பிட்ட
வயிறு மட்டும்
பசித்தது மீண்டும்
கவிதையறியாமல்...

by subramaniansivam Fri Apr 17, 2015 12:29 am

பி.காம் படித்தேன்
எம்.காம் படித்தேன்

ஆனால்...
மனித மனங்களை
படிப்பதில் மட்டும்.,

வருடா வருடம்
தோற்றுக்கொண்டே
இருக்கிறேன்
எப்போதும்...

by subramaniansivam Fri Apr 17, 2015 12:31 am

கண்மூடி மௌனித்து
ஆழ்ந்து சிந்தித்து
பிரசவித்தேன்
கவிதை ஒன்று.

பத்திரிக்கைக்கு
அனுப்பும்போது
அருமை மனைவி சொன்னாள்
“தண்டச் செலவு”

by subramaniansivam Fri Apr 17, 2015 12:32 am

என்
கவிதைகளைக் கேட்கும்
தலை ஆடும்
வாய் சிரிக்கும்
ரசிப்பதுபோல்
முகம்
பல பாவனைகள் புரியும்

உள்மனம் கூறும்
“பெரிய இம்சை”

by subramaniansivam Fri Apr 17, 2015 12:33 am

அன்பு பெரியது
பாசம் பெரியது..
நட்பும், காதலும்கூட
பெரியவைதான்

பணம் என்ற ஒன்று
கண்டுபிடிக்கப்படாமல்
இருந்திருந்தால்...

by subramaniansivam Fri Apr 17, 2015 12:34 am

வேகவேகமாய்
எடை குறைந்தன
என் வீட்டு நாட்காட்டிகள்

வருடங்களோடு
என் வயதும் ஓடியது

திருமணம் குறித்த
கனவுகள் மட்டும்
தினம்தினம் வந்தது...

by subramaniansivam Fri Apr 17, 2015 12:35 am

எம்.ஏ., எம்.எட்.
படித்து முடித்தும்
வேலையின்றி பலர்,

எட்டாம் வகுப்புடன்
ஊரைவிட்டு ஓடியவர்கள்
லட்சாதிபதிகளாய்

வாழ்க்கையென்பது
அரிச்சுவடி படிப்பதல்ல
சம்பாத்யம் படிப்பது...

by முழுமுதலோன் Fri Apr 17, 2015 10:41 am

subramaniansivam wrote:பி.காம் படித்தேன்
எம்.காம் படித்தேன்

ஆனால்...
மனித மனங்களை
படிப்பதில் மட்டும்.,

வருடா வருடம்
தோற்றுக்கொண்டே
இருக்கிறேன்
எப்போதும்...