ஒளியின் திரியேற்றி வா

by kanmani singh Mon Jul 13, 2015 1:00 pm

என் நட்சத்திரக் கனவுகளுக்குள்
பனி மூடிக் கிடக்கிறது
உன் பார்வைக் கனல் படாத காரணத்தால்...
உன் ஒற்றை பார்வைக்காக
கண் விழித்துக் கிடக்கின்றன
என் கற்றை இரவுகள்..
சற்றுமுன் வாசலில் கேட்டது
மின்னலின் சலசலப்பு
உன் பார்வைச் சுவடுகளை
பார்வையிட வந்ததாக..
மேற்கே கருத்த வானத்தில்
கருவாகிக் குடியிருக்கும் மழைத்துளிகளும்
மௌனம் கொண்டிருக்கின்றன
உன் பார்வையின் பச்சை விளக்கொளி படாததால்..
முகம் வாடி
அகம் மூடிக் கிடக்கும்
பூக்களின் கதவுகள் திறந்து
காதலை தரிசிக்க
ஒளியின் திரியேற்றி வா
உன் விழி திறந்து!

by செந்தில் Mon Jul 13, 2015 1:02 pm

கவிதை நன்று சகோதரி.
கைதட்டல்

ஒளியின் திரியேற்றி வா

ஒளியின் திரியேற்றி வா

Re: ஒளியின் திரியேற்றி வா