இரக்கப்பட்டு கவிதை எழுதவில்லை

இரக்கப்பட்டு கவிதை எழுதவில்லை .....
அவர்கள் என்னை விட எம்மை விட ....
இரக்கமானவர்கள்.......!!!

உணர்ச்சிவசப்பட்டும் எழுதவில்லை .....
அவர்கள் உணர்ச்சிகளை அடக்குவதில் ....
என்னை விட எம்மை விட .....
உன்னதமானவர்கள் ......!!!

தியாக உணர்விலும் எழுதவில்லை .....
அவர்கள் என்னை விட எம்மை விட ....
தியாகத்தின் உச்சமானவர்கள் .......!!!

காதல் வயப்பட்டும் எழுதவில்லை ....
அவர்கள் என்னை விட எம்மை விட ....
காதல் உள்ளம் நிறைந்தவர்கள் .....!!!

உடன் பிறப்புகளோடு பிறந்து .....
உண்மையான இரக்கத்தை பகிர்ந்து .....
பருவவயது வரும்போது உடலில் ....
பருவமாற்றம் சிறிது மாறும்போது ....
தாம் விரும்பும் பருவத்தை விரும்பி ....
வாழமுடியாமல் தவிர்க்கும் ....
உணர்வுகளை உணர்ச்சிகளை .....
அடக்கி அடக்கி வாழும் ....
அன்பு நிறைந்த உடன் பிறப்புகள் .....!!!

வீட்டில் இருந்தால் மற்றவர்களின் ....
வாழ்க்கை பாதித்துவிடும் என்பதால் ....
வீட்டை விட்டு அனாதைபோல் ....
வெளியேறி வீதியிலும் ஓரங்களிலும் ....
வாழ்கை வாழும் தியாக உள்ளம் ....
படைத்த தியாக பிறப்புக்கள் ......!!!

பருவத்தில் வரும் காதல் வயத்தால் ....
காதல் வயப்பட்டு காதல் செய்து ....
அன்பை மழைபோல் பொழிந்து ....
தன் காதலால் எந்தபயனும் இல்லை ....
காதலனை அன்போடு தியாகம் ....
செய்யும் தியாக உள்ளம் கொண்ட ....
அற்புத பிறப்பானவர்கள்.......!!!

நடத்தையில் எந்த பிழையும் ....
இல்லாமல் இருந்தாலும் ....
நடத்தை கெட்டவர்கள் என்ற ....
போர்வையில் ஈனப்பார்வை பார்க்கும் ....
ஈரமற்ற சமூகத்தின் பார்வைக்குள் ....
சிக்கி தவிர்க்கும் புழுக்கள் ....!!!
யார் அவர்கள் ....?
*
*
*
திரு நங்கையர்கள் .....!!!

அண்மையில் தனியார் தொலைகாட்சியில் திருநங்கையரின் அருமையான நிகழ்ச்சி பார்த்தேன் ...
அவர்களின் உள்ள குமுறல்களை பார்த்த என் உள்ளம் எழுதிய ஒரு சின்ன வரிகள் இவை ....!!!