செப்டம்பர் 2ம்‌ தேதி முதல் ATM தொடங்கப்பட்ட தினம்.

by ஸ்ரீராம் Thu Sep 03, 2015 12:09 pm

1969-ஆம் ஆண்டு அமெரிக்காவில் ராக்வில்லே சென்டர் எனும் இடத்தில் உள்ள ஒரு கெமிக்கல் வங்கியில் வாடிக்கையாளர்களுக்கு முதன் முதலாக ATM இயந்திரம் மூலமாக பணம் விநியோகம் செய்யப்பட்டது. ATM இயந்திரம் வங்கித் துறையில் உலகம் முழுவதும் ஒரு புரட்சியை ஏற்படுத்தியது. வங்கியில் நீண்ட நேரம் வரிசையில் நிற்க அவசியம் இல்லாமல் இந்த இயந்திரத்தின் மூலமாக பணப்பரிவர்த்தனைகள் செய்ய எளிதானது.

இருபது ஆண்டுகளுக்குப் பின் Cheque Deposits, Money Deposits போன்ற சேவைகள் மேம்படுத்தப்பட்டன. இன்று ATM அனைவராலும் தவிர்க்க இயலாத வங்கி சேவையை உடனடியாக வழங்கும் இயந்திரமாக உள்ளது. டான் வெட்சல் என்பவர் வங்கியில் பணம் எடுப்பதற்காக நீண்ட நேரம் வரிசையில் காத்திருந்தார். இதனை எளிதாக்குவதற்கு பணம் வழங்கும் இயந்திரம் என்ற கருத்தாக்கத்தின் மூலமாக அவர் ஒரு இயந்திரத்தை வடிவமைத்தார். அவற்றின் இன்றைய மேம்பட்ட வடிவமே நாம் பயன்படுத்தும் ATM ஆகும்.

இன்று உலகம் முழுவதும் பத்து லட்சம் ATM இயந்திரங்கள் உள்ளன.

நன்றி: ஏணி