உயிரின் ஒத்த சொல் காதல் --முஹம்மத் ஸர்பான்

by mohammed sarfan Sat Apr 02, 2016 5:13 pm

நிலவே!
என் பக்கம் வந்தாய்
அஸ்தமனத்தில்
சந்திரோதயம் தந்தாய்
கோள்களின் சுழற்சியில்
நெருங்கி
வந்து காதல் என்றாய்.

கார்மேக மழைச்சாரல்
போல் இதயத்தில் சில
பட்டாம்பூச்சிகள் பறக்கிறது.
இறக்கை உதிர்ந்த பறவையை
போல் கண்களின் உறக்கமும்
கனவாய் திருடு போகிறது .,

மாடி வீட்டு அடுக்குப் படிகளில்
நீ நடக்கும் திசையை தீர்மானித்த
பின்பே...,
வாஸ்த்துக்கல்லும் நடப்படுகிறது

நீ உண்ட எச்சிலிலையை என்
அறைக்குள் பத்திரமாய் வைத்துள்ளேன்
அதில் உன் காலடி மண்ணை அள்ளி
கோலம் போட்டு பார்க்கிறேன்...,

நாகரீக ஆடைகள் வேண்டாம் அன்பே!
உன் அழகை நிர்வாணமாக்கி விடும்
பருத்தி நூல் சேலைகள் போதும் பெண்ணே!
நதியின் மீன்களுக்கும் குளிர்க்காய்ச்சல்
வந்து விடும்....

காதல் என்ற சொல் காமம் மட்டுமல்ல
நீ உடை மாற்றும் நேரங்களில் என்னுடல்
உன் மானம் காக்கும் வேலியாகிறது

ஆயுள் கைதியாய் வாழ்வின்
சிறைக்குள் அடை பட்டுக் கொள்வோம்
கொண்டாட்ட நாட்களில் மீண்டும்
புதுப்பறவைகள் போல் சிறகடிப்போம்

மரணமும் இரு உயிருக்கு உடலானது
கடவுள் அகராதியில்
உயிருக்கு ஒத்த சொல் காதல்