ஈக்வடார்: நிலநடுக்கத்துக்கு 233 பேர் பலி

தென் அமெரிக்க நாடான ஈக்வடாரில் சனிக்கிழமை
இரவு ஏற்பட்ட சக்தி வாய்ந்த நிலநடுக்கத்தில் சிக்கி
233 பேர் பலியாகினர். மேலும் 588 பேர் காயமடைந்தனர்.
–
அந்நாட்டின் வட மேற்கில் உள்ள கடலோர நகரான
முயிஸ்னேவிலிருந்து 27 கி.மீ. தொலைவில் இந்த நில
நடுக்கம் ஏற்பட்டது.

தலைநகர் குவிட்டோவிலிருந்து 170 கி.மீ. தொலைவில்
முயிஸ்னே நகரம் அமைந்துள்ளது.

பூமிக்கு 19.2 கி.மீ. ஆழத்தில் ஏற்பட்ட இந்த நிலநடுக்கம்,
ரிக்டர் அளவுகோலில் 7.6 அலகுகளாகப் பதிவானதாக
ஈக்வடார் புவியியல் மையம் தெரிவித்தது.

இடிபாடுகளில் மேலும் பலர் சிக்கியுள்ளனர்.
அவர்களை மீட்கும் பணி தொடர்ந்து நடைபெற்று வருகிறது

அதே சமயம், இந்த நிலநடுக்கத்தின் அளவு ரிக்டர் அளவு
கோலில் 7.8 அலகுகளாகப் பதிவானது என்று அமெரிக்க
புவியியல் ஆய்வு மையம் தெரிவித்துள்ளது.

-

-
தொடரும் பின்னதிர்வுகள்: பிரதான நிலநடுக்கத்தைத்
தொடர்ந்து 55 பின்னதிர்வுகள் பதிவாகின. ஒரு நிமிடத்துக்கும்
அதிகமாக நீடித்த இந்த சக்திவாய்ந்த நிலநடுக்கம், வடக்கே
பெரு நாட்டிலும், தெற்கே கொலம்பியா நாட்டிலும் உணரப்
பட்டது. அந்த இடங்களில் சேதம் எதுவும் ஏற்பட்டதாகத்
தகவல் இல்லை.
–
————–
source- dinamani