சசிகுமார் நடிக்கும் படம் “வெற்றிவேல்.’

“சுப்பிரமணியபுரம்’ படத்தின் பிரம்மாண்ட வெற்றிக்குப்
பின் படம் இயக்குவதைக் காட்டிலும், நடிப்பதில்
அதிகமாக ஆர்வம் செலுத்தி வருகிறார் சசிகுமார்.

“நாடோடிகள்’, “சுந்தரபாண்டியன்’ என அடுத்தடுத்து நடித்த
படங்கள் ரசிகர்களிடம் பரவலான பாராட்டுதல்களைப்
பெற்றதையடுத்து, சமீபத்தில் பாலாவின் இயக்கத்தில்
“தாரை தப்பட்டை’ படத்தில் நடித்தார்.

இப்படத்தை தொடர்ந்து சசிகுமார் நடிக்கும் படம்
“வெற்றிவேல்.’ தஞ்சை மாவட்ட பின்னணிக் கொண்ட
இக்கதை களம் கிராம வாழ்க்கையை மையமாக கொண்டு
உருவாகி வருகிறது.

சசிகுமாருக்கு ஜோடியாக மியா ஜார்ஜ், நிகிலா, வர்ஷா
என மூன்று கதாநாயகிகள் நடிக்கின்றனர். பிரபு,
தம்பி ராமைய்யா, இளவரசு உள்ளிட்டோர் முக்கிய வேடங்கள்
ஏற்கிறார்கள்.

“ஜில்லா’ நேசனின் உதவியாளர் வசந்தமணி கதை எழுதி
இப்படத்தின் மூலம் இயக்குநராக அறிமுகமாகிறார்.

-
காதலின் பின்னணியில் குடும்ப உறவுகளை மையமாக
கொண்டு திரைக்கதை அமைக்கப்பட்டுள்ளது. நகைச்சுவை,
ஆக்ஷன், சென்டிமெண்ட் என அனைத்தும் கலந்த ஜன
ரஞ்சகமான படமாக இப்படம் உருவாகி வருகிறது.
–
————————
தினமணி