தந்தைக் கவிதைகள் பக்கம்-01 --முஹம்மத் ஸர்பான்

by mohammed sarfan Sat Apr 23, 2016 7:41 am

மழைத்துளிகள் வேயாத குடிசைக்குள் விழுந்தால்
குடையென பெரும் இலையை கரங்கள் தாங்கிட
குளிரிலும் உடையென உன் தேகம் பற்றி உயிர்கள் தூங்கிட
விழி மூடாமல் சுழலும் அன்பின் நிலா அப்பா

பத்துத் திங்கள் தாய் பட்ட வேதனையை தாய்க்கும்
பிள்ளைக்குமாய் ஆயுள் வரை தாங்கிடும் ஓருயிர்

உறவுகளின் முதலெழுத்தில் ஒலிக்கும் முதல் இசை

பூக்கள் கேட்டால் சோலையை காண்பிப்பாய்
பட்டாம்பூச்சிகள் பார்த்தால் இறக்கை தந்திடுவாய்
நிலவைக் கேட்டால் இரவை வரச் செய்வாய்
கதைகள் சொன்னால் நான் உறங்கியும் நீ விழிப்பாய்

ஆயிரம் தடவைகள் தண்டித்தாலும் அத்தனை
தடவைகளும் எனக்காய் வலி தாங்கிடும் அன்பின் தடி

by முரளிராஜா Sat Apr 23, 2016 4:59 pm

ஆயிரம் தடவைகள் தண்டித்தாலும் அத்தனை
தடவைகளும் எனக்காய் வலி தாங்கிடும் அன்பின் தடி

தந்தையை பற்றிய சிறப்பான வரிகள்
அருமை

தந்தைக் கவிதைகள் பக்கம்-01 --முஹம்மத் ஸர்பான்

தந்தைக் கவிதைகள் பக்கம்-01 --முஹம்மத் ஸர்பான்

Re: தந்தைக் கவிதைகள் பக்கம்-01 --முஹம்மத் ஸர்பான்