தேர்தல் நாள்: வ. மாரிசுப்பிரமணியன்

தேர்தல் நாள் அறிவிப்பு வந்ததும்
நம்மைத் தேடி வராதவர் பலர் வருவர்
நரம்பில்லா நாக்கினால் வரம்பில்லா
வாக்கினைத் தேர்தல் நாளில் தொடுப்பர்.

தனது செல்வாக்கினைப் பெருக்கிட,
தனது, சொல்வாக்கினை, நம் மனம் உருகிட,
தேர்தல் நாளில் அள்ளி வைத்து,
வாக்கினைப் பெற்றபின், நம்மைத் தள்ளிவைப்பர்…

தேர்தல் நாள், நம்மைநாமே, சரிப்பார்க்கின்ற நாள்
தேர்தல் நாள், நல்லவர்களை அடையாளம்கண்டு,
தேர்ந்தெடுக்கின்ற நாள்…
தேர்தல் நாள்: சிந்திக்கின்ற நாள்.

-
மக்களை, மக்கள்படும்பாட்டை,
மறந்தோரெல்லாம், தோல்விகளை, சந்திக்கின்ற நாள்….
தேர்தல் நாள் நல்லவர்களைத்தேடும் நாள்….
–
—————-
கவிதைமணி