அவளின் கருவறை காலம்--முஹம்மத் ஸர்பான்

மசக்கைகள் இதழில் கசந்திட
நோவினை கண்மூடி தாங்கிட
அன்பின் தொடுகையால்
வலியும் புன்னகையில் ஒளிகிறது.

அல்லும் பகலும்
கைகளால் அன்ன மூட்ட
நடக்கும் நேரம்
கை கோர்த்து நடந்திட
பத்துத்திங்களில் பத்து ஜென்மம்
வாழ்ந்தது போல் நெஞ்சுக்குள் உணர்வு.

அவள் புத்தகம் படிக்கும்
நேரம் நான் பக்கங்களின்
எழுத்துக்களாகிடுவேன்.
அவள் பூக்களை பறிக்கும் நேரம்
என்னுடலை தரையில்
மெத்தையாய் சாய்த்திடுவேன்.

தூங்கும் நேரம் வயிற்றில்
செவி வைத்து செல்லமகளின்
உதையை வாங்கிடுவேன்.
என்னவள் இதழில் பென்சிலால்
மீசை வைத்து என் மகனை
கண்ணால் பார்த்திடுவேன்.

அவளின் வாந்தியை என்
கரம் ஏந்தி தாங்கிட பல நாள்
தவம் கிடப்பேன்.அவள் படும்
கஷ்டத்தை தாங்காமல் என்
தாய் மடியில் தலை வைப்பேன்.

நிலவும் எம் பக்கம்
விளக்காகி வரும்.கடலும்
உன் காலில் கரையாகி விடும்.
இறப்பின் பிடியில் போராடி
உன் உயிரை தாலாட்ட
மறுஜென்மம் எடுப்பாயா அன்பே!