என் மனம் காதல் நிலம் --முஹம்மத் ஸர்பான்

நீ வந்தால் பூக்களும்
கன்னியாகிறது
நீ போனால் நானும்
சகுனியாகிறேன்

இழந்த காதலின்
அழியாத கல்வெட்டு
காதலன் கண்ணீர்

பொன்னுடல் மேனியில்
செங்கதிர் புன்னகை
என்னிடம் உன் மணம்
உன்னிடம் என் மனம்

அழகான காதல்
மனதின் மோதல்
காலத்தின் சாபம்
இணையாமை பாபம்

முத்தமிழ் இனிக்கும்
உன் மெளனத்தில்
முக்கனியும் கனியும்
என் இதழ் ஓரத்தில்

காதல் என்ற சொல்லில்
என்னை ஆளும் மொத்தம்
அவள் புன்னகை முத்தம்

உன் வெண் மேக முகத்தில்
கன்னியாய் மலர்ந்த சிவப்பு
பருக்கள் எந்தன் காதலோ

மலரும் வானவில்லும்
இரட்டைப் பிறவிகள்
மங்கையின் கனவுகளில்

நான் எழுதிய கவிதைகளில்
விடப்பட்ட எழுத்துப் பிழை
உன் உதட்டு மச்சம்

உன்னை கண்டு
நான் வியக்கிறேன்
புன்னகையில் எப்படி
மயக்கம் தருகிறாய்

மின்னலில்
உன்னை கண்டு
சன்னலில்
என்னை மறைத்தேன்