வாசகர் அனுபவங்கள் - குமுதம்

by rammalar Wed Aug 17, 2016 6:15 pm

சமீபத்தில் ஒரு திருமணவிழாவுக்குச் சென்றிருந்தேன்.
திருமணத்தைப் பார்த்துவிட்டு சாப்பிட்டு முடித்தவுடன்
மொய் எழுத வந்தேன்.

அவ்வளவாக கூட்டம் இல்லை… மாப்பிள்ளையின் தந்தை
மொய் எழுதுபவர் அருகில் உட்கார்ந்திருந்தார்.

நான் மொய் எழுதவிட்டு வெற்றிலைபாக்கு எடுத்துக்
கொண்டிருந்தேன். அப்போது ஒருவர் வந்து இருநூறு
ரூபாய் மொய் எழுதினார்.அப்போது மாப்பிள்ளையின்
தந்தை ‘ஏங்க மூணுமாசத்துக்கு முன்னாடி உங்க பொண்ணு
கல்யாணத்துக்கு வந்து முந்நூறு மொய் எழுதினேன்.
நூறைக் குறைச்சிட்டீங்களே!’ என்றார்.

அந்த நபருக்கு ஒரு மாதிரியாக ஆகிவிட்டது. கல்யாணத்துக்கு
வநதவர்களை இப்படியா அவமதிப்பது?
–
– எம். பத்மாவதி, சாத்தூர்.
–
———————————————–

by rammalar Wed Aug 17, 2016 6:15 pm

நான் என் கணவருடைய ஷூவுக்கு பாலீஷ் போடுவதை
பார்த்த என் தோழி ‘உன் போன்றவர்களால்தான் ஆண்களின்
ஆதிக்கம் அதிகமாகிறது. நீ ஏன் இந்த மாதிரி வேலைகளை
எல்லாம் செய்கிறார்’ என்று திட்டினாள்.

அதற்கு நான் அமைதியாக அவளிடம் சொன்னேன். ‘எங்கள் உறவு
வித்தியாசமானது. தினமும் காலையில் காப்பியோடு வந்து
என்னை எழுப்புவது என் கணவர்தான். அவருடைய ஷூவை சுத்தம்
செய்வது எனக்க பிடித்தமான வேலை. அன்பின் உழைப்பு அது.’
–
– அனிதா ராமச்சந்திரன், பெங்களூரு.
–
———————————————–

by rammalar Wed Aug 17, 2016 6:16 pm

நண்பர் ஒருவரின் வீட்டு சுவரருகே தெருப்பெண்கள் வீட்டுக்
குப்பைகளை கொட்டுவதும் அதை அவர் சுத்தம் செய்து
‘குப்பை கொட்டாதீர்கள்’ போர்டு மாட்டுவதும் வாடிக்கையாகிப்
போனது.

என்ன எழுதிப் போட்டும் பலனளிக்காததால் கடுப்பாகிப்போன
எனது நண்பர் ‘குடும்பப் பெண்கள் இங்கு குப்பை கொட்ட
மாட்டார்கள்’ என்று எழுதிப்போட்டார்.

அர்த்தத்தைப் புரிந்து கொண்டவர்கள் அடுத்த நாளிலிருந்து
அடியோடு குப்பை கொட்டுவதை நிறுத்தி விட்டனர்.
–
– எஸ்.பிரபு, தேனி
–
————————————————-
குமுதம்

by Sponsored content

வாசகர் அனுபவங்கள் - குமுதம்

வாசகர் அனுபவங்கள் - குமுதம்

Re: வாசகர் அனுபவங்கள் - குமுதம்

Re: வாசகர் அனுபவங்கள் - குமுதம்

Re: வாசகர் அனுபவங்கள் - குமுதம்