ரூ.6000 கோடியை அரசிடம் ஒப்படைத்த வைர வியாபாரி?

by rammalar Tue Nov 15, 2016 8:19 am

புதுடில்லி:
குஜராத் மாநிலத்தை சேர்ந்த பிரபல வைர வியாபாரி
ஒருவர் கணக்கில் காட்டாத 6000 கோடி ரூபாயை
அரசிடம் ஒப்படைத்துள்ளதாக தகவல்கள் வெளியாகி
உள்ளன.

மோடியின் அதிரடி:

கறுப்பு பணம் மற்றும் கள்ள நோட்டுக்கு எதிரான
போரின் துவக்கமாக, 500, 1000 ரூபாய் நோட்டுகளை
வாபஸ் பெறுவதாக பிரதமர் மோடி அதிரடியாக
அறிவித்தார்.

இந்தியாவின் பொருளாதார வளர்ச்சிக்கு பிரதமரின்
இந்த நடவடிக்கை மிக அவசியமானது என பொருளாதார
வல்லுநர்களும் ஆதரவு தெரிவித்துள்ளனர்.

பொதுமக்கள் தற்காலிகமாக சிரமங்களை சந்தித்து
வந்ததாலும் பெரும்பாலானோர் பிரதமர் அதிரடி
நடவடிக்கைக்கு வரவேற்பு தெரிவித்துள்ளனர்.

ரூ.6000 கோடி ஒப்படைப்பு?

இந்நிலையில் குஜராத் மாநிலம் சூரத் பகுதியை சேர்ந்த
கட்டுமான தொழிலதிபரும், வைர வியாபாரியுமான
ஒருவர் தானாக முன்வந்து வருமான வரித்துறைக்கு
கணக்கில் காட்டாத சுமார் 6,000 கோடி ரூபாய் பணத்தை
ஒப்படைத்ததாக தகவல்கள் வெளியாகி உள்ளன.

மிஞ்சுவது 600 கோடி:

இதன்மூலம், அவர் ஒப்படைத்துள்ள 6000 கோடி ரூபாயில்
30 சதவீதம் வரியாக அதாவது 1,800 கோடி ரூபாய், அதன்
பின் வரிப் பணத்தின் மீது 200 சதவீத வரி விதிப்பு என
மொத்தம் 5,400 கோடி ரூபாய் தொகை வரியாகச் செலுத்த
வேண்டும்.

வரி மட்டும் அபராதம் போக 6 ஆயிரம் கோடி ரூபாயிலிருந்து
அவருக்கு 600 கோடி ரூபாய் மட்டுமே கிடைக்கும்.
-
--------------------------------------------
தினமலர்