சென்னையில் ரூ.25 கோடி முறைகேடு: வருமான வரித்துறை ரெய்டில் கண்டுபிடிப்பு

சென்னை:
சென்னையில் வருமான வரித்துறையினர் நடத்தி வரும்
அதிரடி சோதனையில், 25 கோடி ரூபாய் முறைகேடாக
கணக்கு காட்டியது கண்டுபிடிக்கப்பட்டது.
-
மத்திய அரசு, 500, 1,000 ரூபாய் நோட்டுக்களை வாபஸ்
பெறுவதாக அறிவித்த உடன், பழைய நோட்டுக்களை
கொடுத்து, ஏராளமான அளவில் தங்கம் வாங்குவதும்,
‛ஹவாலா' எனப்படும் சட்டவிரோத பண பரிமாற்ற
முறையில் பழைய ரூபாய் நோட்டுக்களை மாற்ற
முயற்சிப்பதும் நடந்து வருகிறது.
-
‛ஹவாலா' பேர்வழிகள்:
-
இது குறித்து தகவல் அறிந்ததும், சென்னை பாரி முனை
பகுதியில் உள்ள நகை கடைகள், ‛ஹவாலா' பேர்வழிகளின்
வீடுகள் என, எட்டு இடங்களில் கடந்த 2 நாட்களாக வருமான
வரித்துறை அதிகாரிகள் சோதனை நடத்தி வருகின்றனர்.
-
இன்றும், நான்கு இடங்களில் சோதனை நடந்தது.
சோதனையின் போது, கணக்கில் வராத 25 கோடி ரூபாய்
சிக்கி உள்ளதாக வருமான வரித்துறை அதிகாரிகள்
தெரிவித்துள்ளனர்.
-
----------------------------------