தனிவிமானத்தில் ரூ.3.5 கோடி பழைய நோட்டுகளுடன் வந்த தொழிலதிபர் கைது

திமாப்பூர்,

நாகாலாந்து மாநிலம், திமாப்பூருக்கு தனி விமானத்தில்
ரூ.3.5 கோடி மதிப்பிலான பழைய ரூபாய் நோட்டுகளுடன்
வந்த தொழிதிபர் ஒருவர் செவ்வாய்க்கிழமை போலீஸாரால்
கைது செய்யப்பட்டார்.

இதுகுறித்து போலீஸ்தரப்பில் கூறப்படுவதாவது: -

பிகார் மாநிலம், மங்கேர் மாவட்டத்தைச் சேர்ந்த தொழிலதிபர்
ஏ.சிங் என்பவர் ஹரியாணா மாநிலம், சிர்சா நகரிலிருந்து தனி
விமானத்தில் திமாப்பூர் விமான நிலையத்துக்கு
செவ்வாய்க்கிழமை காலை வந்தார்.

அவரது உடைமைகளை மத்தியத் தொழிலகப் பாதுகாப்புப் படை
(சிஐஎஸ்எஃப்) அதிகாரிகள் சோதனை செய்தபோது
ரூ.3.5 கோடி மதிப்பிலான பழைய ரூபாய் நோட்டுகளை அவர்
வைத்திருந்தது தெரியவந்தது.
இதையடுத்து அவரைக் காவலில் எடுத்து விசாரித்து வருகிறோம்
என்று கூறினர்.
-
-----------------------------------------------
தினமணி