தமிழகத்தில் சரக்கு பூங்கா: மத்திய அரசு அமைக்கிறது

புதுடில்லி :
தமிழகம் உட்பட, 15 இடங்களில், நவீன தொழில்நுட்ப
அம்சங்களுடன், பலதரப்பட்ட சரக்கு களை கையாளக்கூடிய
பூங்காவை அமைக்க, மத்திய அரசு திட்டமிட்டுள்ளது.

முதற்கட்டமாக, தமிழகத்தில் சரக்கு பூங்காவை அமைக்க,
தமிழக அரசுடன், தேசிய நெடுஞ்சாலை ஆணையம் புரிந்துணர்வு
ஒப்பந்தம் செய்துள்ளது.

மத்திய சாலை மற்றும் கப்பல் போக்குவரத்து துறை அமைச்சர்
நிதின் கட்கரி, தமிழக தொழில் துறை அமைச்சர், எம்.சி.சம்பத்
ஆகியோர் முன்னிலையில், இந்த ஒப்பந்தம் கையெழுத்தானது.

இதன்படி, தமிழகத்தில், எண்ணுார் காமராஜர் துறைமுகம் அருகே,
பொன்னேரி தொழிற்பேட்டையில், பல நவீன தொழில்நுட்ப
அம்சங்களுடன் சரக்கு பூங்கா அமைக்கப்படும். இதற்காக,
தமிழகத்திற்கு, 1,295 கோடி ரூபாய் ஒதுக்கப்படும்.

நாடு முழுவதும், 33 ஆயிரம் கோடி ரூபாய் முதலீட்டில்,
15 இடங்களில் சரக்கு பூங்கா அமைக்கப்பட உள்ளது.

இது குறித்து, மத்திய அமைச்சர் நிதின் கட்கரி கூறுகையில்,
''நாட்டின் ஒருங்கிணைந்த, பன்முக சரக்கு போக்குவரத்துக்கான
அடிப்படை கட்டமைப்பு வசதிகளை மேம்படுத்த, இந்த ஒப்பந்தம்
உதவும்,'' என்றார்.
-
----------------------------
தினகரன்