மருத்துவம் படித்தது கருணாநிதி போட்ட பிச்சையா: தமிழிசை ஆவேசம்

சென்னை:
''நான் மருத்துவம் படித்தது, கருணாநிதி போட்ட பிச்சை என,
ஸ்டாலின் கூறியிருப்பது தவறு,'' என, பா.ஜ., மாநில தலைவர்,
தமிழிசை தெரிவித்துள்ளார்.


வார்த்தை மோதல்:

மருத்துவ சேர்க்கைக்கான, 'நீட்' நுழைவுத்தேர்வு தொடர்பாக,
தமிழகத்தில், பா.ஜ.,வுக்கும், எதிர் கட்சிகளுக்குமிடையே,
வார்த்தை மோதல் வெடித்துள்ளது. அதன் தொடர்ச்சியாக,
'தமிழிசை மருத்துவ படிப்பில் சேர்ந்தது, கருணாநிதி போட்ட
பிச்சை' என, ஸ்டாலின் விமர்சித்துள்ளார்.


சிறந்த மாணவி:

இதுகுறித்து, தமிழிசை நேற்று, சென்னையில் அளித்த பேட்டி:
நான் மருத்துவ படிப்பில் சேர்ந்தபோது, எம்.ஜி.ஆர்., தான்
முதல்வராக இருந்தார். அப்போது, நேர்முக தேர்வு மட்டுமே
அமலில் இருந்தது.

நான் எந்த தேர்விலும், 'அரியர்ஸ்' வைக்காத, மாணவியாக
இருந்தவள்; வெளிநாடுகளிலும், தகுதியோடு தான் படித்தேன்.


நாகரிகமற்ற வார்த்தை:

நான், மருத்துவ படிப்பில் சேரும்போது, கருணாநிதி,
பதவியில் இல்லை. அதனால், இதை கொச்சைப்படுத்த
வேண்டாம். இதுகுறித்து, ஸ்டாலின் கூறியது நாகரிகமற்ற
வார்த்தை.

'தமிழ், தமிழ்...' என முழங்கும், தி.மு.க., பிரமுகர்களின்,
வீட்டு குழந்தைகளில் எத்தனை பேர், தமிழ் படிக்கின்றனர் என,
கூற வேண்டும். இவ்வாறு அவர் கூறினார்.
-
----------------------------------
தினமலர்