ஸ்ரீ ஸ்ரீ ரவிசங்கருக்கு கார் ஓட்டிய தலைமை நீதிபதி

புதுடில்லி:
வாழும் கலை அமைப்பினர் நிறுவனர் ஸ்ரீ ஸ்ரீ ரவிசங்கருக்கு
கவுகாத்தி உயர்நீதிமன்ற தலைமை நீதிபதி அஜித் சிங் கார்
ஓட்டியது சர்ச்சையை ஏற்படுத்தி உள்ளது.

அசாம் மாநில தலைவர் கவுகாத்தியில், செப்., 5ம் தேதி வடகிழக்கு
தனித்துவ மக்கள் மாநாடு நடந்தது. இதில் பங்கேற்க,
ஸ்ரீஸ்ரீ ரவிசங்கர், கவுகாத்தி வந்திருந்தார். விமான நிலையத்தில்
அவரை, தலைமை நீதிபதி அஜித் சிங் வரவேற்றார்.

மேலும், விமான நிலையத்தில் இருந்து ஓட்டல் வரை, ரவிசங்கருக்கு
அவரே கார் ஓட்டிச் சென்றார். இது தொடர்பான படங்கள்,
சமூக வலைதளங்களில் வெளியாகின.


பார் கவுன்சில் கண்டனம்

தலைமை நீதிபதிக்கு கவுகாத்தி உயர்நீதிமன்ற பார் கவுன்சில்
கண்டனம் தெரிவித்துள்ளார். உயர்நீதிமன்ற விதிகளை அவர்
மீறி விட்டார் என்றும் குற்றம் சாட்டி உள்ளது.

மேலும், இது குறித்து சுப்ரீம் கோர்ட் தலைமை நீதிபதியிடம் புகார்
அளிக்கப்படும் என்றும் பார் கவுன்சில் கூறியுள்ளது.
-
-----------------------------------------------
தினமலர்