ஆந்திராவில் அமைகிறது 'ஹைப்பர் லூப்' பாதை; 5 நிமிடத்தில் 35 கி.மீ., பயணம்

விஜயவாடா:
ஆந்திர தலைநகர் அமராவதியில் இருந்து 35 கி.மீ., தொலைவில்
உள்ள விஜயவாடாவிற்கு ஐந்தே நிமிடங்களில் செல்ல குழாய்
வழியாக பயணம் செய்யும் 'ஹைப்பர் லுாப்' தொழில்நுட்பத்தை
அம்மாநில அரசு செயல்படுத்த உள்ளது.

ஆந்திராவில் தெலுங்குதேசத்தைச் சேர்ந்த சந்திரபாபு நாயுடு
முதல்வராக உள்ளார். புதிய தொழில்நுட்பத்துடன் நவீன
வசதிகளுடன் தலைநகர் அமராவதி நகர் உருவாக்கப்படுகிறது.

இந்நிலையில் அமராவதி நகருக்கு 35 கி.மீ., தொலைவில் உள்ள
விஜயவாடா மிகப்பெரிய நகராக உள்ளது. எனவே இரு
நகரங்களுக்கு இடையே விரைவான போக்குவரத்து வசதியை
ஏற்படுத்த ஆந்திர அரசு புதிய திட்டத்தை செயல்படுத்த உள்ளது.

அதன்படி 35 கி.மீ., துாரத்தை ஐந்தே நிமிடங்களில் சென்றடையும்
வகையில் 'ஹைப்பர் லுாப்' தொழில்நுட்பத்தை பயன்படுத்தி
குழாய் பாதை அமைக்கப்பட உள்ளது.

ஐரோப்பிய நாடுகளில் பிரபலமாக உள்ள 'ஹைப்பர் லுாப்'
எனப்படும் இந்த தொழில்நுட்பத்தின் மூலம் குழாய் வழியாக
பாதை அமைக்கப்படும்; எந்த இடையூறுமின்றி மின்னல்
வேகத்தில் குழாய் வழியாக வாகனங்கள் செல்லும்.
-
---------------------------------------
தினமலர்