விஜய் டிவியில் தமிழ்ப் புத்தாண்டுக்கு ஒளிபரப்பாகும் ‘வேலைக்காரன்’ மற்றும் ‘அருவி’

-
தமிழ்ப் புத்தாண்டை முன்னிட்டு ‘வேலைக்காரன்’
மற்றும் ‘அருவி’ படங்களை ஒளிபரப்புகிறது விஜய் டிவி.

மோகன் ராஜா இயக்கத்தில், சிவகார்த்திகேயன் நடிப்பில்
வெளியான படம் ‘வேலைக்காரன்’. சிவகார்த்திகேயன்
ஜோடியாக நயன்தாரா நடித்துள்ளார்.

ரோகிணி, பிரகாஷ் ராஜ், ரோபோ சங்கர், சதீஷ், ஆர்.ஜே.பாலாஜி,
சார்லி ஆகியோர் முக்கிய வேடங்களில் நடித்துள்ளனர்.

அனிருத் இசையமைத்துள்ளார். இந்தப் படம், தமிழ்ப் புத்தாண்டு
சிறப்புத் திரைப்படமாக காலை 10 மணிக்கு விஜய் டிவியில்
ஒளிபரப்பாக இருக்கிறது.

பலருடைய பாராட்டுக்களையும், பாக்ஸ் ஆபீஸ் வெற்றியையும்
குவித்த படம் ‘அருவி’. அருண் பிரபு புருஷோத்தமன் இயக்கிய
இந்தப் படத்தில், அதிதி பாலன் முதன்மைக் கதாபாத்திரத்தில்
நடித்திருந்தார். இந்தப் படம் இரவு 8 மணிக்கு ஒளிபரப்பாக
இருக்கிறது.

இதுதவிர, ‘சூப்பர் சிங்கர் 6’ நிகழ்ச்சியில் பிரபுதேவா,
கார்த்திக் சுப்பராஜ், சந்தோஷ் நாராயணன் என ‘மெர்க்குரி’
படக்குழுவினர் சிறப்பு விருந்தினர்களாகக் கலந்து
கொள்கின்றனர்.
-
------------------------------------
தி இந்து