ஐ.ஏ.எஸ்.,சுக்கு தகுதியானவர் யார்?

அகர்தாலா,
'இந்தியக் குடிமைப் பணிகளில், சிவில் இன்ஜினியர்கள்
பணிபுரியலாம்; ஆனால், 'மெக்கானிக்கல்' பிரிவில்
படித்தவர்களுக்கு, தகுதி இல்லை' என, திரிபுரா முதல்வர்,
பிப்லப் குமார் தேப் கூறியுள்ளார்

.திரிபுரா மாநிலத்தில், முதல்வர் பிப்லப் குமார் தேப்
தலைமையில், பா.ஜ., ஆட்சி நடக்கிறது.அகர்தலா நகரில்,
நேற்று நடந்த நிகழ்ச்சியில், முதல்வர் பிப்லப் தேப்
பேசியதாவது:

இந்திய குடிமைப் பணி தேர்வில், மருத்துவம், பொறியியல்
படித்தவர்கள், பங்கேற்றுள்ளனர். சமூகத்தைக் கட்டமைக்கும்
முக்கியப் பணிதான் குடிமைப் பணி அதிகாரிகளுக்கு
வழங்கப்படுகிறது.

இந்த தேர்வில், சிவில் இன்ஜினியர் எனப்படும், கட்டடக்கலை
பொறியாளர்கள் பங்கு பெறலாம். அவர்களுக்கு, சமூகத்தை
கட்டமைக்கும் தகுதி இருக்கிறது.

ஆனால், மெக்கானிக்கல் படித்தவர்கள், குடிமைப் பணி
தேர்வில் பங்கேற்க கூடாது.இவ்வாறு அவர் பேசினார்.
-
--------------------------------
தினமலர்