ம. ரமேஷ் ஹைக்கூக்கள்

First topic message reminder :

µ
பூக்கள்
ஏன் சூடுகிறாய்?
கூந்தலே அழகு

µ
ஆதிப் பிழம்பை
அணைக்கும்
நீர்

µ
வாடிகொண்டிருக்கும் செடி
அடியில் எறும்புப் புற்று
வருந்தியபோது மழை

µ
மண்சோறு சமைத்தார்கள்
குழந்தைகள்
இறைவன் பசியாறினான்

µ
மலர் மாலைகள்
கசங்கியபடி
பாடை சென்ற வழி

"புல்லில் பனித்துளி
பனித்துளியில்
பனைமரம் "

அண்ணா இது..?

தமிழ்நிலா wrote:"புல்லில் பனித்துளி
பனித்துளியில்
பனைமரம் "

அண்ணா இது..?

விளக்கம் கேட்கிறீர்கள் என்று நினைக்கிறேன். விளக்குகிறேன்.

புல், பனித்துளி ஆகியன ஹைக்கூ கவிதையின் உயிர் எனலாம். இந்த இயற்கையின் அற்புதங்கள் பார்க்கப் பார்க்க தெகிட்டாத இன்பம். பெரிய ஆலமரத்தில் சிறிய பழம் எத்தனை அழகு. வயல் வரப்புகளில் புல்லின் மேல் அமர்ந்திருக்கும் பனித்துளிதான் எத்துனை அழகு இருப்பினும் இது தினம் காணும் நிகழ்வாகவே நின்றுவிடுகிறது. ஆனால் அப்பனித் துளிக்குள்ளும் ஒரு விஸ்வ ரூப தரிசனத்தைக் காண வைத்துள்ளேன்.
புல்லில் பனித்துளி
பனித்துளியில்
பனைமரம்
எத்தனை பெரிய நீண்ட நெடிய பனைமரம் அப் பனித்துளிக்குள் காட்சியளிக்கிறது என்பதனை அனுபவப் பூர்வமாக உணர்ந்து படைத்துள்ள இக்கவிதை, கற்பனை வளத்தை எடுத்துக்காட்டுவதோடு நல்லதொரு அழகியல் கவிதையாகவும் திகழ்கிறது என்பேன்.

அண்ணா அருமை "புல்லில் பனித்துளி" இது நீங்கள் சொன்னது போல் சாதாரணம் தான் உடனே விளங்கியது. ஆனால் "பனித்துளியில் பனைமரம்" உறுதியாக சொல்ல முடியாமல் இருந்தது. ஆனால் ஊகிக்க முடிந்தது. உங்கள் விளக்கத்தின் பின் உணரமுடிகிறது. நன்றி அண்ணா

மகிழ்ச்சியே...

ம. ரமேஷ் ஹைக்கூக்கள்

µ
தென்றலிடம் பேசினேன்
வெட்கப்பட்டுச் சொன்னது:
பூக்களின் ஆசைகள்

µ
சின்ன ஆசையை
ஊதிப் பெரிதாக்கினாய்
தீயினுள் உடல்

µ
மார்கழிப் பனியில்
வியர்த்துப்போனது
கோலம்

µ
வானத்தில்
உருக் கொள்ளும் மேகம்
மனிதனின் மனம்

µ
காதலிக்கத் தொடங்கியதும்
ஊமையானேன்
பேசியது பூக்கள்

அருமை அண்ணா

ம. ரமேஷ் ஹைக்கூக்கள்

µ
கொல்லும் கோடை
நிழலில் இளைப்பாறும்
ஆமைகள்

µ
தூண்டிலில் புழு
தவிக்கிறது மீன்
கரையில் நாய்

µ
பிச்சைப்பாத்திரம்
பளபளப்பாய் இருந்தது
பெளர்ணமி நிலவு

µ
கேட்டுப் பழகியிருக்க வேண்டும்
கிளியின் பேச்சை
மனிதன்

µ
மனக்கண்ணில் புரை
இல்லாதிருந்தால் பார்க்கலாம்
காற்றின் நிறம்

தொடருங்கள் அண்ணா

கவியருவி ம. ரமேஷ் ஹைக்கூக்கள்

µ
விளக்கு ஏற்றினாலும்
இருள்தான்
குருடர்களுக்கு

µ
அணிலுக்கும் கிளிக்கும் சண்டை
என்ன செய்ய முடியும்?
மரத்தில் மாம்பழம்

µ
தொட்டியில் மீன்கள்
கூண்டில் பறவை விலங்குகள்
சிறையில் மனிதர்கள்

µ
தெரியாத கேள்விக்குத்
தெரிந்த பதில்
தலைவிதி

µ
தொட்டதினால் தெரிந்தது
குழந்தைக்கு
நெருப்பு சுடும்

அனைத்தும் அருமை

மகிழ்ச்சி நண்பரே

அருமை அண்ணா.

வற்றாமல் கொட்டட்டும் உங்கள் கவிதை அருவி .

அருமை அண்ணா.

ரசித்தேன்

மிகவும் அருமை .

ஆடை
உடுத்துதலில் இருக்கிறது
பூக்களின் அழகு

இதை விவரிக்க இயலுமா ?