ம. ரமேஷ் கவிதைகள்

கருத்துரைக்கு நன்றி கவிஞரே...

விபத்து அல்ல கொலை

பூவில் தேனெடுத்த
வண்ணத்துப்பூச்சி
மகிழ்ச்சியோடு
தலைகால் புரியாமல்
சாலையைக் கடக்க
வாகனத்தில்
அடிப்பட்டு இறந்துபோனது

அது விபத்து அல்ல
கொலை என்கிறது
அந்தப் பூ!

குற்றவாளியை
யார் தண்டிப்பார்கள்?

நான் நேற்று இரு சக்கர வாகனத்தில் சென்றபோது இரண்டு வண்ணத்துப்பூச்சியை இவ்வாறு கொலை செய்துவிட்டேன்.

அதுவாகத்தான் என் வழியில் குறுக்கிட்டது.

இருப்பினும் கவிதை எழுத நினைத்து மேற்கண்டவாறு கவிதை எழுதினேன்.

மறப்போம்!! மன்னிப்போம்!!

கொஞ்சம் கொலை உணர்வு நேற்று இரவு எல்லாம் என்னை வாட்டியது என்னவோ உண்மை.

சரி பணத்துக்காக கொலை செய்கிறார்களே கூலிப்படைகள் அவர்களை மனசாட்சி உருத்தாதா?

அவர்கள் அதை எல்லாம் தொலைத்தவர்கள்  அவர்களுக்கு  வேண்டியது பணம் மட்டுமே / அன்றைய பொழுது கழிகிறாத ... அவ்வளவு தான் .../...

அருமை அருமை

நிர்வாணத்திற்கு வெட்கமில்லை…

எத்தனை
படங்களில் தொலைக்காட்சிகளில்
ஆடையிழந்து நிற்கும்
ஹீரோயினிக்கு
ஹீரோக்கள்
தன் ஆடையைக் கழற்றி கொடுத்திருப்பார்கள்.
ஆடையின்றி
நிற்கும்
ஹீரோக்கு
ஏன் எந்த ஹீரோயினியும்
தன் ஆடையைக் கழற்றிக் கொடுப்பதில்லை!

பெண்ணே!
அரை நிர்வாணம்
வெட்கமில்லை என்னும் நீ
நிர்வாணத்தை
மறைக்கத் தானே நினைக்கிறாய்
பின் ஏன்
ஆடை சுதந்திரம் பற்றிய பேச்சு?

ஆடையின்றி இருப்பதில்
ஆணென்ன பெண்ணென்ன
நிர்வாணம்
அசிங்கம் அசிங்கம்தானே!

கவிதைகள் அனைத்தும் அருமை ரமேஷ்!
    


கண்மணி சிங்

kanmani singh wrote:கவிதைகள் அனைத்தும் அருமை ரமேஷ்!
    


கண்மணி சிங்

நன்றி நன்றி நன்றி

கவிதைகள் ம்..ம்..ம்...

சொல்லவா வேண்டும் ...?
அருமை அருமை

பசுமை புரட்சி

ஐந்து ஐந்து
ஆண்டுகள் என்பது
பசுமை புரட்சிக்கா அல்ல
அரசியல் மாற்றி
அரசியல்வாதிகளை மாற்றி
அரசியல் செய்து
அவரவர்களுக்கான
சம்பாத்திய புரட்சியா?

அறுபது ஆண்டுகளில்
இந்தியா வளர்ந்திருக்கிறது
அதிகம் ஏழைகளை
பசி பட்டினிகளையும்
சேர்த்தே வளர்த்திருக்கிறது

கொடி ஏற்றும்போது
சொல்லப்படுவது எல்லாம்
காற்றில்
கொடி அசைவது போல
அசைந்து அசைந்து
ஆட்சியாளர்களிடம்
போய்ச் சேர்வதற்கு முன்னர்
மாலையில் கொடி அவிழ்த்ததும்
காலையில்
கொடி காணாமல் போவதுபோல
திட்டங்களும் காணாமல்
போய்விடுகிறது.

பசுமை புரட்சி அருமை

அருமை 

சிறப்பு  

   

கவியருவி ம. ரமேஷ் wrote:பேருந்துக்குள்
இருந்த போலி கௌரவங்களால்
சாலை ஓரத்தில்
நின்று
மகிழ்ச்சியோடு
கை அசைத்த
குழந்தை
வருத்தத்தோடு
வீடு திரும்புகிறது

மிக நல்ல கவிதை கவி நண்பரே.

பல முறை கை அசைத்து ரசித்து இருக்கிறேன்.

கற்புக்கு என்ன கட்டுப்பாடு!...இது பலரையும்
நெற்றி சுருங்க வைக்கும்...
-
அதனால் மனதுக்கு என்ன கட்டுப்பாடு என்று மாற்றலாம்...!

rammalar wrote:
கற்புக்கு என்ன கட்டுப்பாடு!...இது பலரையும்
நெற்றி சுருங்க வைக்கும்...
-
அதனால் மனதுக்கு என்ன கட்டுப்பாடு என்று மாற்றலாம்...!

எதுவும் இயல்பாகவே அமைந்துவிடும் முதல் சொற்களே சிறப்பாக அமைகின்றன என்பது என் கருத்து...

மாற்றம் வேண்டாம்...

கற்பு கற்பாகவே இருக்கட்டும்...

பெண்ணின் கற்பில் மன மாற்றம் வரட்டும்... அதுவரை கற்பாகவே இருக்கட்டுமே...

கருத்துரைக்கு நன்றி ஐயா

மிக நல்ல கவிதை