கண்கள் இரண்டு காட்சி ஒன்று!

எனக்கு இசை பிடிக்கும்
உனக்கு இசையைவிட
ஓவியம் பிடிக்கும்..
எனக்கு இனிப்பு பிடிக்கும்
உனக்கு இனிப்பைவிட
காரம் ரொம்ப பிடிக்கும்..
எனக்கு செஞ்சிவப்பு நிறம் பிடிக்கும்
உனக்கு சிவப்பைவிட
கருப்பு கொஞ்சம் அதிகமாக பிடிக்கும்..
எனக்கு பூக்கள் ரொம்ப பிடிக்கும்
உனக்கு பூக்களைவிட
பச்சைப் புல்வெளிகள் பிடிக்கும்..
எனக்கு நெடுந்தூர பயணங்கள் பிடிக்கும்
உனக்கு பயணங்களைவிட
பக்கத்தில் இருப்பதே பிடிக்கும்..
எனக்கு வாசிப்பது பிடிக்கும்
உனக்கு வாசிப்பதைவிட வரைவது பிடிக்கும்..
எனக்கு தனிமை ரொம்ப பிடிக்கும்
உனக்கு தனிமையைவிட
சத்தமும் கூட்டமும் பிடிக்கும்..
எனக்கு மெல்லிருட்டும் நிலவும் பிடிக்கும்
உனக்கு நிலவைவிட
சூரியனும் வெளிச்சமும் அதிகம் பிடிக்கும்..
எனக்கு பேசிக்கொண்டிருப்பது பிடிக்கும்
உனக்கு பேசுவதைவிட
கருத்தால் உணர்த்துவது பிடிக்கும்..
எனக்கு விடிகாலைப்பொழுது பிடிக்கும்
உனக்கு விடியல் பொழுதைவிட
இனிய மாலைப்பொழுது இன்னும் பிடிக்கும்..
இப்படி
நமக்குள் முரண்பாடுகள் நிறைய....
இருந்தாலும் நமக்குள்
கடலைவிட ஆழமானதோர்
வானைவிட உயரமானதோர்
பூமியைவிட பெரியதோர்
காதல் பெருகி வளர்ந்தது,
கரமிணைத்து வாழவும் வைத்ததை
என்னவொரு விந்தைஎன்பேன்!


கண்மணி சிங்

     

அருமையான் நெடும் கவிதை
வாழ்த்துக்கள்