தைரியம் இரும்பை விட உறுதியானது

by mohaideen Tue Oct 30, 2012 6:32 pm

தைரியம் இரும்பை விட உறுதியானது

தைரியம் இருந்தால் எதையும் சாதிக்கலாம் என்பது முன்னோர்கள் கூற்று. அதற்க்கேற்றார்ப் போல் தைரியத்துடன் வாழ்ந்து சரித்திரத்தில் இடம் பிடித்தோர் பலர். அவர்களில் முக்கியமானவர் தான் மாவீரன் நெப்போலியன். இவர் தைரியத்தின் இலக்கணமாய் திகழ்ந்தார்.

நெப்போலியன் சிறுவனாக இருக்கும் போது ஒரு நாள் இரவில் படுக்கையிலிருந்து எழுந்து எங்கோ சென்று விட்டார். சிறிது நேரத்திற்குப் பிறகு கண் விழித்த அவரின் தாயார் படுக்கையில் அவரைக் காணாததால் அரண்மனை பணியாட்களுடன் சேர்ந்து தேடத்துவங்கினார்.
நீண்ட நேர தேடுதலுக்குப் பிறகு அவரை கண்டுபிடித்தனர். அவர் ஒரு அடர்ந்த காட்டில் உள்ள குளக்கரையில் அமர்ந்து நிலவை வேடிக்கை பார்த்துக்கொண்டிருந்தார். உடனே அவரின் தாயார் ” இங்கே வந்து அமர்ந்திருக்கிறாயே உனக்கு பயமாக இல்லையா ” என்று கேட்டார். அதற்க்கு நெப்போலியன் ” பயமா அப்படியென்றால் என்ன ?” என்று கேட்டார். இப்படி பயம் என்ற வார்த்தைக்கே அர்த்தம் தெரியாதவராக வாழ்ந்தார்.

ஒருமுறை நெப்போலியன் தன அமைச்சரவை சகாக்களுடன் நடந்த தேநீர் விருந்தில் கலந்து கொண்டு தேநீர் அருந்தி கொண்டிருந்தார். அப்போது அவரின் தைரியத்தை சோதிப்பதற்காக திடீரென்று பீரங்கியை வெடிக்கச் செய்தனர் அமைச்சர்கள்.

திடீரென்று பீரங்கி வெடிக்கும் சத்தம் கேட்டதால் அங்கிருந்தவர்கள் அலறினர். சிலர் அதிர்ச்சியில் கையில் இருந்த கோப்பையை கீழே போட்டனர். ஆனால் சற்றும் அதிர்ச்சியடையாத நெப்போலியன் தேநீர் அருந்திக் கொண்டே கேட்டார் ” அங்கே என்ன சத்தம் கேட்கிறது “.

தைரியம் இரும்பை விட உறுதியானது என்பதற்கு இந்த சம்பவங்கள் மிகச்சிறந்த உதாரணங்கள்.
http://atozforfun.com/2012/06/5.html

by முரளிராஜா Thu Nov 01, 2012 7:45 am

நெப்போலியனின் துணிச்சல் இந்த கட்டுரை மூலம் நன்றாக உணரமுடிகிறது.
நாமும் வாழ்க்கையில் பல இன்னல்களை தைரியத்துடன் முகம் கொடுக்க வேண்டும் .

நன்றி முகைதீன்

தைரியம் இரும்பை விட உறுதியானது

தைரியம் இரும்பை விட உறுதியானது

Re: தைரியம் இரும்பை விட உறுதியானது