ராஜ்மா சாதம்

by முழுமுதலோன் Sat Aug 31, 2013 2:31 pm

ராஜ்மா சாதம்

பொன்னி அரிசி - 2 கப்,
தேங்காய்ப் பால் - 4 கப்,
ராஜ்மா - 2 கப்,
துருவிய குடமிளகாய் - அரை கப்,
பொடியாக நறுக்கிய தக்காளி - 2,
இஞ்சி - பூண்டு விழுது - அரை டீஸ்பூன்,
நறுக்கிய பச்சை மிளகாய் - 2,
மிளகாய் தூள் - 1 டீஸ்பூன்,
சீரகம் - அரை டீஸ்பூன்,
உப்பு, எண்ணெய் - தேவைக்கேற்ப,
கொத்தமல்லி - அலங்கரிக்க.

ராஜ்மாவை முதல் நாள் இரவு அல்லது 10 மணி நேரம் ஊற வைக்கவும். ஊற வைத்த தண்ணீரையே விட்டு, பிரஷர் குக்கரில் வேக வைக்கவும். அரிசியை ராஜ்மா வெந்த தண்ணீர், தேங்காய்ப் பாலுடன், 5 கப் தண்ணீர் விட்டு, உப்புச் சேர்த்து வேக வைக்கவும். கடாயில் சிறிது எண்ணெய் சூடாக்கி, சீரகத்தை வெடிக்க விடவும்.

பச்சை மிளகாயை வதக்கி, இஞ்சி, பூண்டு விழுது சேர்த்து நன்றாக வதக்கவும். தக்காளியுடன் சேர்த்து 2 நிமிடங்கள் வதக்கவும். துருவிய குடமிளகாய் சேர்த்து 2 நிமிடங்கள் வதக்கவும். உப்பு, மிளகாய் தூள் சேர்த்து 1 நிமிடம் வதக்கிய பின், வேக வைத்த ராஜ்மாவை சேர்த்து 2 அல்லது 3 நிமிடங்கள் வதக்கவும். வேக வைத்த சாதத்தை இத்துடன் சேர்த்துக் கலந்து, 2 நிமிடங்கள் கிளறவும். கொத்தமல்லி தூவிப் பரிமாறவும்.

[You must be registered and logged in to see this link.]
[You must be registered and logged in to see this image.]
[You must be registered and logged in to see this link.]