தினமும் ஒரு குறள்

by ஸ்ரீராம் Wed Sep 12, 2012 11:34 pm

First topic message reminder :

அதிகாரம் : கடவுள் வாழ்த்து
குறள் : 1

அகர முதல எழுத்தெல்லாம் ஆதி
பகவன் முதற்றே உலகு.

பொருள்: எழுத்துக்கள் எல்லாம் அகரத்தை அடிப்படையாக கொண்டிருக்கின்றன. அதுபோல உலகம் கடவுளை அடிப்படையாக கொண்டிருக்கிறது.

by ஸ்ரீராம் Tue Jul 02, 2013 9:20 am

அதிகாரம் : புகழ்
குறள் : 233

ஒன்றா உலகத்து உயர்ந்த புகழல்லால்
பொன்றாது நிற்பதொன் றில்.

பொருள் : உயர்ந்த புகழ் அல்லாமல் உலகத்தில் ஒப்பற்ற ஒரு பொருளாக அழியாமல் நிலைநிற்க வல்லது வேறொன்றும் இல்லை.

by முரளிராஜா Tue Jul 02, 2013 3:10 pm

குறள் பகிர்வுக்கு நன்றி ஸ்ரீ ராம்

by ஸ்ரீராம் Wed Jul 03, 2013 9:48 am

அதிகாரம் : புகழ்
குறள் : 234

நிலவரை நீள்புகழ் ஆற்றின் புலவரைப்
போற்றாது புத்தேள் உலகு.

பொருள் : நிலவுலகின் எல்லையில் நெடுங்காலம் நிற்கவல்ல புகழைச் செய்தால், வானுலகம் (அவ்வாறு புகழ் செய்தாரைப் போற்றுமே அல்லாமல்) தேவரைப் போற்றாது.

by ஸ்ரீராம் Wed Jul 03, 2013 9:48 am

அதிகாரம் : புகழ்
குறள் : 235

நத்தம்போல் கேடும் உளதாகும் சாக்காடும்
வித்தகர்க் கல்லால் அரிது.

பொருள் : புகழுடம்பு மேம்படுதலாகும் வாழ்வில் கேடும், புகழ் நிலை நிற்பதாகும் சாவும் அறிவில் சிறந்தவர்க்கு அல்லாமல் மற்றவர்க்கு இல்லை.

by ஸ்ரீராம் Wed Jul 03, 2013 9:49 am

அதிகாரம் : புகழ்
குறள் : 236

தோன்றின் புகழொடு தோன்றுக அஃதிலார்
தோன்றலின் தோன்றாமை நன்று.

பொருள் : ஒரு துறையில் முற்பட்டுத் தோன்றுவதானால் புகழோடு தோன்ற வேண்டும், அத்தகைய சிறப்பு இல்லாதவர் அங்குத் தோன்றுவதைவிடத் தோன்றாமலிருப்பதே நல்லது.

by ஸ்ரீராம் Wed Jul 03, 2013 9:50 am

அதிகாரம் : புகழ்
குறள் : 237

புகழ்பட வாழாதார் தந்நோவார் தம்மை
இகழ்வாரை நோவது எவன்?

பொருள் : தமக்குப் புகழ் உண்டாகுமாறு வாழமுடியாதவர் தம்மைத் தாம் நொந்து கொள்ளாமல் தம்மை இகழ்கின்றவரை நொந்து கொள்ளக் காரணம் என்ன?.

by ஸ்ரீராம் Wed Jul 03, 2013 9:53 am

அதிகாரம் : புகழ்
குறள் : 238

வசையென்ப வையத்தார்க் கெல்லாம் இசையென்னும்
எச்சம் பெறாஅ விடின்.

பொருள் : தமக்குப் பின் எஞ்சி நிற்பதாகியப் புகழைப் பெறாவிட்டால் உலகத்தார் எல்லார்க்கும் அத்தகைய வாழ்க்கை பழி என்று சொல்லுவர்.

by ஸ்ரீராம் Wed Jul 03, 2013 9:53 am

அதிகாரம் : புகழ்
குறள் : 239

வசையிலா வண்பயன் குன்றும் இசையிலா
யாக்கை பொறுத்த நிலம்.

பொருள் : புகழ் பெறாமல் வாழ்வைக் கழித்தவருடைய உடம்பைச் சுமந்த நிலம், வசையற்ற வளமான பயனாகிய விளைவு இல்லாமல் குன்றிவிடும்.

by ஸ்ரீராம் Wed Jul 03, 2013 9:54 am

அதிகாரம் : புகழ்
குறள் : 240

வசையொழிய வாழ்வாரே வாழ்வார் இசையொழிய
வாழ்வாரே வாழா தவர்.

பொருள் : தாம் வாழும் வாழ்க்கையில் பழி உண்டாகாமல் வாழ்கின்றவரே உயிர் வாழ்கின்றவர், புகழ் உண்டாகாமல் வாழ்கின்றவரே உயிர் வாழாதவர்.

by ஸ்ரீராம் Wed Jul 03, 2013 9:55 am

அதிகாரம் : அருளுடைமை
குறள் : 241

அருட்செல்வம் செல்வத்துள் செல்வம் பொருட்செல்வம்
பூரியார் கண்ணும் உள.

பொருள் : பொருள்களாகிய செல்வங்கள் இழிந்தவரிடத்திலும் உள்ளன; (உயர்ந்தவரிடத்தில் மட்டுமே உள்ள) அருளாகிய செல்வமே செல்வங்களில் சிறந்த செல்வமாகும்.

by ஸ்ரீராம் Wed Jul 03, 2013 9:58 am

அதிகாரம் : அருளுடைமை
குறள் : 242

நல்லாற்றாள் நாடி அருளாள்க பல்லாற்றால்
தேரினும் அஃதே துணை.

பொருள் : நல்ல வழியால் ஆராய்ந்து அருளுடையவர்களாக விளங்க வேண்டும்; பலவழிகளால் ஆராய்ந்து கண்டாலும் அருளே வாழ்க்கைக்குத் துணையாக இருக்கும்.

by ஸ்ரீராம் Wed Jul 17, 2013 11:00 am

அதிகாரம் : அருளுடைமை
குறள் : 243

அருள்சேர்ந்த நெஞ்சினார்க் கில்லை இருள்சேர்ந்த
இன்னா உலகம் புகல்.

பொருள் : அறியாமையாகிய இருள் பொருந்திய துன்ப உலகில் இருந்து வாழும் வாழ்க்கை, அருள் பொருந்திய நெஞ்சம் உடையவர்களுக்கு இல்லை.

by ஸ்ரீராம் Wed Jul 17, 2013 11:00 am

அதிகாரம் : அருளுடைமை
குறள் : 244

மன்னுயிர் ஓம்பி அருளாள்வார்க்கு இல்லென்ப
தன்னுயிர் அஞ்சும் வினை.

பொருள் : தன் உயிரின் பொருட்டு அஞ்சி வாழ்கின்ற தீவினை, உலகில் நிலைபெற்றுள்ள மற்ற உயிர்களைப் போற்றி அருளுடையவனாக இருப்பவனுக்கு இல்லை.

by ஸ்ரீராம் Fri Jul 19, 2013 10:04 am

அதிகாரம் : அருளுடைமை
குறள் : 245

அல்லல் அருளாள்வார்க்கு இல்லை வளிவழங்கும்
மல்லன்மா ஞாலங் கரி.

பொருள் : அருளுடையவராக வாழ்கின்றவர்களுக்குத் துன்பம் இல்லை, காற்று இயங்குகின்ற வளம் பெரிய உலகத்தில் வாழ்வோரே இதற்குச் சான்று ஆவர்.

by ஸ்ரீராம் Fri Jul 19, 2013 10:04 am

அதிகாரம் : அருளுடைமை
குறள் : 246

பொருள்நீங்கிப் பொச்சாந்தார் என்பர் அருள்நீங்கி
அல்லவை செய்தொழுகு வார்.

பொருள் : அருள் இல்லாதவராய் அறமல்லாதவைகளைச் செய்து நடப்பவர்களை, உறுதிப்பொருளாகிய அறத்திலிருந்து நீங்கித் தம் வாழ்க்கையின் குறிக்கோளை மறந்தவர் என்பார்.

by ஸ்ரீராம் Sun Jul 28, 2013 5:24 pm

அதிகாரம் : அருளுடைமை
குறள் : 247
அருளில்லார்க்கு அவ்வுலகம் இல்லை பொருளில்லார்க்கு
இவ்வுலகம் இல்லாகி யாங்கு.

பொருள் : பொருள் இல்லாதவர்க்கு இவ்வுலகத்து வாழ்க்கை இல்லாதவாறு போல உயிர்களிடத்தில் அருள் இல்லாதவர்க்கு அவ்வுலகத்து வாழ்க்கை இல்லையாம்.

by ஸ்ரீராம் Sun Jul 28, 2013 5:25 pm

அதிகாரம் : அருளுடைமை
குறள் : 248

பொருளற்றார் பூப்பர் ஒருகால் அருளற்றார்
அற்றார்மற் றாதல் அரிது.

பொருள் : பொருள் இல்லாதவர் ஒரு காலத்தில் வளம் பெற்று விளங்குவர், அருள் இல்லாதவர் வாழ்க்கையின் பயம் அற்றவரே அவர் ஒரு காலத்திலும் சிறந்து விளங்குதல் இல்லை.

by ஸ்ரீராம் Sun Jul 28, 2013 5:25 pm

அதிகாரம் : அருளுடைமை
குறள் : 249

தெருளாதான் மெய்ப்பொருள் கண்டற்றால் தேரின்
அருளாதான் செய்யும் அறம்.

பொருள் : அருள் மேற்கொள்ளாதவன் செய்கின்ற அறச்செயலை ஆராய்ந்தால், அஃது அறிவு தெளியாதவன் ஒரு நூலின் உண்மைப் பொருளைக் கண்டாற் போன்றது.

by ஸ்ரீராம் Sun Jul 28, 2013 5:27 pm

அதிகாரம் : அருளுடைமை
குறள் : 250

வலியார்முன் தன்னை நினைக்க தான் தன்னின்
மெலியார்மேல் செல்லு மிடத்து.

பொருள் : (அருள் இல்லாதவன் ) தன்னை விட மெலிந்தவர் மேல் துன்புறுத்த செல்லும் போது, தன்னை விட வலியவரின் முன் தான் அஞ்சி நிற்கும் நிலைமையை நினைக்க வேண்டும்.

by முரளிராஜா Mon Jul 29, 2013 6:16 am

குறள் பகிர்வுக்கு நன்றி ஸ்ரீ ராம்

by Muthumohamed Mon Jul 29, 2013 6:24 am

by கவிப்புயல் இனியவன் Mon Jul 29, 2013 2:58 pm

நல்ல தமிழ் பணி

by ஸ்ரீராம் Tue Aug 13, 2013 12:40 pm

அதிகாரம் : புலான்மறுத்தல்
குறள் : 251

தன்னூன் பெருக்கற்குத் தான்பிறிது ஊனுண்பான்
எங்ஙனம் ஆளும் அருள்?

பொருள் : தன் உடம்பைப் பெருக்கச் செய்வதற்காகத் தான் மற்றோர் உயிரின் உடம்பைத் தின்கின்றவன் எவ்வாறு அருளுடையவனாக இருக்க முடியும்.

by ஸ்ரீராம் Tue Sep 03, 2013 11:39 am

அதிகாரம் : புலான்மறுத்தல்
குறள் : 252

பொருளாட்சி போற்றாதார்க்கு இல்லை அருளாட்சி
ஆங்கில்லை ஊன்தின் பவர்க்கு.

பொருள் : பொருளுடையவராக இருக்கும் சிறப்பு அப்பொருளை வைத்துக் காப்பாற்றாதவர்க்கு இல்லை, அருளுடையவராக இருக்கும் சிறப்பு புலால் தின்பவர்க்கு இல்லை.

by ஸ்ரீராம் Mon Sep 09, 2013 12:01 pm

அதிகாரம் : புலான்மறுத்தல்
குறள் : 253

படைகொண்டார் நெஞ்சம்போல் நன்னூக்காது ஒன்றன்
உடல்சுவை உண்டார் மனம்.

பொருள் : ஓர் உயிரின் உடம்பைச் சுவையாக உண்டவரின் மனம் கொலைக்கருவியைக் கையில் கொண்டவரின் நெஞ்சம் போல் நன்மையாகி அருளைப் போற்றாது.

by Sponsored content

தினமும் ஒரு குறள்

தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்

Re: தினமும் ஒரு குறள்