ஒரு சரித்திர சம்பவம்...

by பூ.சசிகுமார் Wed Sep 19, 2012 1:38 pm

ஒருமுறை நபிகள்நாயகம் (ஸல்) அவர்கள் முன்,
புதிதாக முஸ்லிமான ஒருவன் வந்தான். அப்போது, நபிகளார் தன் தோழர்களுடன்
அமர்ந்திருந்தார்கள். வந்தவன், நபிகளாருக்கு ஸலாம் தெரிவித்தான்.

""அண்ணலாரே! என்னிடம் நான்கு தீயகுணங்கள் இருக்கின்றன. அவற்றை என்னால் விட
முடியவில்லை. எல்லாவற்றையும் ஒரே நேரத்தில் விட முடியாவிட்டாலும், ஏதேனும்
ஒன்றையாவது விட்டுவிட நினைக்கிறேன். எதை முதலில் விடுவது?'' என்று
கேட்டான். நாயகம்(ஸல்) அவர்களும் அவனது தீயகுணங்களைக் கேட்டுத் தெரிந்து
கொண்டார்கள்.

""நீ சொன்னதில் பொய் சொல்வதை விட்டுவிடு,'' என்றார்கள். வந்தவனும் ஒப்புக்கொண்டான்.

அன்று இரவில், அவன் வழக்கமான திருட்டுத்தொழிலுக்கு கிளம்பினான். செல்லும்
வழியில், ""ஐயோ! திருடச் செல்கிறோமே! ஒருவேளை நபிகளாரைச் சந்திக்க
நேர்ந்து, "திருடினாயா?'' எனக்கேட்டால், "இல்லை' என சொல்ல முடியாதே. பொய்யை
விடுவதாக அவரிடம் உறுதியளித்திருக்கிறோமே!'' என்று வேதனைப்பட்டான். அது
மட்டுமல்ல, பொய் சொன்னால் இறைவன் தண்டிப் பான், உண்மையைச் சொன்னால்,
கைகால்களை வெட்டி, சட்டம் தண்டனை கொடுக்குமே! என்ன செய்வது? அவன் திருடும்
எண்ணத்தைக் கைவிட்டான்.

பின்பு சூதாடும் இடம் சென்றான்.
விளையாடத்து துவங்கும் முன், ""சூதாடினாயா?'' என அண்ணலார் கேட்டால், "ஆம்'
என சொல்ல முடியுமா! அவன் வீட்டுக்கு திரும்பி விட்டான்.

மறுநாள்

அண்ணலாரிடம், ""தாங்கள் சொன்னதை விட்டதால் மற்ற தீமைகளும் என்னை விட்டு அகன்றன,'' என்றான்.

பார்த்தீர்களா! பொய் தான் அனைத்து தீமைகளுக்கும் ஆணிவேர் என்பதை! பொய்யை விட்டால் மனிதனிடமுள்ள பிற தீயகுணங்கள் தானாக விலகி விடும்.

நன்றி: இணையம்