'சொந்த செலவில் சூனியம் வைத்துக்கொள்வது’ எப்படி?

'சொந்த செலவில் சூனியம் வைத்துக்கொள்வது’ எப்படி?

''குழந்தையைக் குளிக்கவைத்ததும் 'பளிச்’ என்று இருப்பதற்காக, உடல் முழுவதும் டால்கம் பவுடரைக் கொட்டுவோம். இதனால், குழந்தையின் கை, முகம் மற்றும் உடல் எங்கும் 'பிங்க்’ கலராகிவிடும். தினமும் டால்கம் பவுடர் பயன்படுத்திவந்த பல குழந்தைகளுக்கு மூளை, நரம்பு, கிட்னி பாதிக்கப்பட்டிருந்தது கண்டறியப்பட்டது. இதற்க்கு காரணம் அதில் அதிகமான பாதரசம் என்ற ரசாயனம் கலக்கப்படுவதுதான்.

பாதரசமானது, சருமத்தினுள் ஊடுருவிச் சென்று மெலனின் என்கிற நிறமியை அழிப்பதால் சருமம் வெளுத்துப்போகும். பாதரசம் சேர்க்கப்பட்ட சோப், க்ரீம், லோஷன் போன்ற அழகு சாதனப் பொருட்களைப் பயன்படுத்தும்போது சிறுநீரகம் பாதிக்கப்படுவதுடன், சருமத்தில் பாக்டீரியா தொற்று, பூஞ்சைத் தொற்று ஆகியவை ஏற்படும்.

அழகு சாதனப் பொருட்களின் தயாரிப்பும் விற்பனையும் இந்தியாவில்தான் அதிகம்’ என்ற அதிர்ச்சித் தகவலைச் சொல்லி இருக்கிறது உலகச் சுகாதார நிறுவனம்.

''பாதரசம் சேர்க்கப்படும் சோப், பாடி லோஷன், க்ரீம் மற்றும் பிற அழகு சாதனப் பொருட்களைப் பயன்படுத்துபவர்களுக்குச் சிறுநீரகம் உள்ளிட்ட உடல் உறுப்புகள் பாதிக்கப்படும்'' என்கிறது உலகச் சுகாதார நிறுவனத்தின் அறிக்கை.

அமெரிக்கா மட்டும்தான் அழகு சாதனப் பொருட்களில் பாதரசத்தை அடியோடு தடை செய்து இருக்கிறது. கண்களுக்கான அழகு சாதனப் பொருட்களில் மட்டும் மிகக் குறைந்த அளவு பாதரசம் சேர்த்துக்கொள்ளலாம்’ என்பது அந்த நாட்டின் சட்டம்.

நமது இயற்கை தோலின் நிறத்தை மாற்ற முடியுமா ?
''ஒருவரது தோலின் நிறம் என்பது அவரது இனம் மற்றும் பரம்பரை ஜீன்களைப் பொருத்தது. மனித சருமம் 2 மி.மீ. தடிப்புகொண்டது. இந்தத் தோலின் மேல் பகுதி மெல்லியதாகவும், அதற்குக் கீழே இருக்கும் பகுதி கண்ணாடி போன்று தெளிவாகவும் இருந்தால் அது சிவப்பு நிறத் தோல். மேல் பகுதி தடிப்பாகவும், கண்ணாடிப் போன்ற கீழ் பகுதி தெளிவு இல்லாமலும் இருந்தால் அது கறுப்பு நிறத் தோல். இப்படி இயற்கை தந்த தோலின் நிறத்தை மாற்ற வேண்டும் என்ற ஆர்வத்தில் அழகுப் பொருட்களை வாங்கிக் குவிக்கின்றோம். ரசாயனம் கலந்த இந்த அழகு சாதனப் பொருட்களைப் பயன்படுத்தும்போது தோலில் தடிப்பு, நிற மாற்றம், கண்களில் எரிச்சல், தலைவலி, மயக்கம், ஹார்மோன் கோளாறு, நுரையீரல் பிரச்னை என பல உபாதைகள் ஏற்படும்.

மேலும் சில டிப்ஸ் உங்களுக்கு ....
அழகு சாதனப் பொருள் வாங்கும்போது அதில் சேர்க்கப்பட்டிருக்கும் (Ingrediants) மூலப் பொருட்களைப் பற்றிய விவரங்கள் இருக்கிறதா என்பதை முதலில் கவனிக்க வேண்டும். அப்படி இல்லை எனில், வாங்காமல் இருப்பது நல்லது.

கலோமில், மெர்குரிக் குளோரைடு, மெரிகுரியோ என்பது போன்ற பெயர்களில் பாதரசச் சேர்க்கையைக் குறிப்பிடுகின்றனர். எனவே, மேற்கண்ட வார்த்தைகள் இருந்தால் அதில் நிச்சயம் பாதரசம் சேர்க்கப்பட்டு உள்ளது என்பதைப் புரிந்துகொள்ளலாம்.

புரியாத மொழியில் இருக்கும் பொருட்களைப் பயன்படுத்தாதீர்கள்.

குழந்தைகள் மற்றும் கர்ப்பிணிகள் அழகு சாதனப் பொருட்களை முற்றிலும் தவிர்த்துவிட வேண்டும்
எந்த அழகு சாதனப் பொருட்களையும் பயன்படுத்துவதற்கு முன்பு, தோல் சிகிச்சை நிபுணரை அணுகி, சருமத்தின் தன்மையைப் பரிசோதித்து அதன் பிறகு பயன்படுத்துவது நல்லது.
https://www.facebook.com/