உங்களுக்கு நாற்பதை தொடுகிறதா நடப்பது நல்லது!

by முழுமுதலோன் Mon Jan 20, 2014 9:47 am

உங்களுக்கு நாற்பதை தொடுகிறதா நடப்பது நல்லது!

சோம்பலான வாழ்க்கைமுறை, தவறான உணவுப் பழக்கம் போன்றவற்றால் ரத்த அழுத்தம் அதிகரிக்கிறது என்பதைப் புரிந்துகொள்ள வேண்டும், அழையா விருந்தாளியாக சர்க்கரை, இரத்த அழுத்தம் வருமுன் இதை பின்பற்றுங்கள்!

'ஒரு நாளைக்குப் குறைந்தது 30 முதல் 45 நிமிடங்களுக்கு நடைப்பயிற்சி செய்யுங்கள். வாரத்துக்கு ஆறு நாட்கள் நடைப்பயிற்சி மேற்கொண்டாலே போதுமானது. மெதுவாக நடக்கத் தொடங்க வேண்டும். பிறகு கொஞ்சம் கொஞ்சமாக நடக்கும் வேகத்தைக் கூட்ட வேண்டும். நடைப்பயிற்சியை முடிக்கும் முன்பு கொஞ்ச நேரம் நடையின் வேகத்தை மெள்ள மெள்ளக் குறைக்க வேண்டும்.

இந்தப் பயிற்சியின்போது உங்களுக்கு மூச்சுவிடுவதில் சிரமமோ அல்லது இரைப்போ வராத வேகத்தில் மேற்கொள்ள வேண்டும். அப்படி ஏதேனும் மாற்றம் இருந்தால், உடனடியாக உங்கள் மருத்துவர் அல்லது உடற்பயிற்சி ஆலோசகரை அணுகிப் பயிற்சிமுறையை மாற்றி அமைத்து அதன் பின்னர் தொடர்வதே நல்லது.
மனைவி, அல்லது நம் மீது அக்கறை உள்ளவர்களோ சொல்லும்போது பலரும் நடைப்பயிற்சி செய்வது இல்லை. இதுவே சர்க்கரை, உயர் ரத்த அழுத்தம், இதய நோய் அறிகுறிகள் என்று வரும்போது நடைப்பயிற்சியை சிலர் பயத்தோடு செய்வார்கள்.

நடைப்பயிற்சியை அஞ்சி அஞ்சி செய்ய வேண்டியது இல்லை. நல்ல இசையை ரசித்துக் கேட்பது மாதிரி நடைப்பயிற்சியை அனுபவித்துச் செய்ய முடியும். இது வாழ்க்கையையே தலைகீழாகப் புரட்டிப்போடக்கூடியது. 'பெட்டர் லேட் தென் நெவர்’ என்றாலும், சர்க்கரை, உயர் ரத்த அழுத்தம் போன்ற பிரச்னைகள் வருவது ஏன் என்று யோசிக்க வேண்டும்.

சோம்பலான வாழ்க்கைமுறை, தவறான உணவுப் பழக்கம் போன்றவற்றால் ரத்த அழுத்தம் அதிகரிக்கிறது என்பதைப் புரிந்துகொள்ள வேண்டும். ஏற்கெனவே மாரடைப்பு வந்து, மருத்துவர்களின் பரிந்துரைப்படி முறையாக உடற்பயிற்சி செய்துவருபவர்களுக்கு, மீண்டும் மாரடைப்பு வருவதற்கான வாய்ப்பு குறைவு.

உடற்பயிற்சி செய்யும்போது ரத்த ஓட்டம் அதிகரித்து அதிக அளவிலான ஆக்சிஜனைத் தசைகளுக்குக் கொண்டுசெல்கிறது. அதனால்,எவ்வளவு நேரம் உடற்பயிற்சி செய்ய வேண்டும் என்பதை முதலில் அறிந்துகொள்ள வேண்டும்.

https://www.facebook.com/pages/
உங்களுக்கு நாற்பதை தொடுகிறதா நடப்பது நல்லது! 1504073_191980917664051_473945076_n