சடங்கு அல்ல... சயின்ஸ்

by முழுமுதலோன் Mon Jan 20, 2014 10:25 am

சடங்கு அல்ல... சயின்ஸ்

ஒரு பெண் பூப்பெய்தினால் ஊரில் நமது பெரியவர்கள் அவளை உளுத்தங்களி, கருப்பட்டி, நல்லெண்ணெய், முட்டை போன்றவற்றை வலுக்கட்டாயமாகச் சாப்பிடச் சொல்வார்கள். ஆனால் நம் பெண்கள் இவைகளை சாப்பிட முகம் சுளிப்பார்கள்.

இவை வெறும் சடங்கா ? தெரிந்து கொள்ளுங்கள்

''அது சடங்கு அல்ல... சயின்ஸ். பூப்பெய்தல் என்பது ஒரு பெண்ணுள் மனரீதியாகவும் உடல்ரீதியாகவும் மிகப் பெரிய மாற்றத்தை உருவாக்கும் தருணம். இந்த நேரத்தில் இரண்டையுமே பக்குவப்படுத்தி, தயார் செய்வது என்பது அவளின் வாழ்நாள் முழுமைக்கும் நல்லது.

பூப்பெய்தியப் பெண்ணுக்கு உளுத்தங்களி கொடுப்பார்கள். உளுந்தில் புரதச் சத்து உள்ளது. இது கருப்பையைச் சுருக்கும். இதன் மூலம் ரத்தப்போக்கும் வலியும் குறையும்.

கருப்பட்டியில் அதிக இரும்புச் சத்து இருக்கிறது. ஒவ்வொரு மாதமும் மாதவிலக்கு சமயங்களில் ரத்தம் வெளியேறுவதன் மூலம் ரத்த சோகை வராமல் இது பார்த்துக்கொள்ளும். எள்ளில் இரும்புச் சத்து இருக்கிறது.

எள்ளில் இருந்து கிடைக்கும் நல்லெண்ணெயும் உடலுக்கு நல்லது. முட்டையில் கால்சியம் மற்றும் புரதம் இருப்பதால், எலும்பை வலுவாக்கும்; உடல் வளர்ச்சிக்கும் பயன்படும். இதனால், வயசுக்கு வந்த பெண்கள் உளுந்தங்களி, நல்லெண்ணெய், கருப்பட்டி, முட்டை போன்றவற்றை முகம் சுளிக்காமல் நன்றாகச் சாப்பிட வேண்டும்!''

https://www.facebook.com